GZA PAN ZOMI NAM NI TAWH KISAI TAANGKO NA

GZA PAN ZOMI NAM NI TAWH KISAI TAANGKO NA

Nimit : February 12, 2017

Gamkeek Mikang kumpi in 1885 kumin Kawlgam la uh a, 1896 kum in Zogam hong la uh hi. To leh sal danin hong uk uh ahih manin Kawlmite hi taleh, Zomite hi taleh Mikang kumpi khut sungpan suahtak ding kilunggulh tek hi. Suahtakna ngah nadingin hanciamna leh ngetna zong kinei ngei tuak hi. Ahi zongin, Mikang kumpite in suahtakna hong pialo bek loin hong ukzia uh ngat sak tektek uh hi. Tua ahih manin, Kawlte hi taleh, Zomi leh mualtung mi dangdangte hi taleh kipawlkhawm a suahtakna nget ding lunggulhna kinei hi. Zomite in Kawlte tawh kipawl a suahtakna nget ding hoih ding hiam, hoih lo ding hiam ci-in limtak na khinkhai uh a atawpna ah thu tampi leh thu saupi khualna tawh ngetkhop ding in na thukim uh hi. Anungah thukimna leh lam-et danin thu hong pai loh ciangin a kisik huai thu hong bang hi.

Shan Sawbwa-te makai in thukikupna khawmpi masa 1946 March kha in kinei hi. Zogam pan in Ukpi Pu Pum Za Mang (Tedim), Pu Kio Mange (Haka) leh Pu Hlur Hmung (Falam)te va kihel thei uh hi. Anihveina thu kikupna February, 1947 sunginShan gam Pinlong khua ah kineikik a Tedim gam Ukpi Pu Pum Za Mang damlo ahih manin ama taangin Saizang Ukpi Pu Thawng Za Khup va pai hi. Hih khawmpi panin February 12, 1947 ni-in Union Day hong piangkhia hi. Hih thukimna tungtawnin January 4, 1948 ni-in Kawlgam bupin Mikang kumpi tung panin suahtakna ngahkhia hi.

Kawlgam in suahtakna angah khit ciangin mipi thuneihna (Parliament Democracy) tawh kalsuan hi. Hih Kawlgam ki-ukna thak tawh kituak dingin Zogam ah zong thu vaihawm hong kulta hi. Tua ahih manin U Vuantu Maung leh Pu Capt. Mang Tung Nung te makai in Falam khua ah February 19-20, 1948 sung khawmpi kinei hi. Ukpite thuneihna pan mipi thuneihna tawh kalsuan ding kithukim hi. Thukhun lui Chin Hills Regulation Acts zong kibeisakin, siahkaihna khempeuh zong abei hong suak hi. Ukpite zong amau zaa zui in sumlom kipia hi.

October 9, 1950 ni-in Chin Affairs Council in atunga khawmpi siksan in February 20 ni pen Zomi Nam Ni in kipsak uh a, 1948 kum pana simtoh dingin thukim uh hi. Tua hun a kipan in ahih theih nakleh Zomi Nam Ni kibawl toto hi. Tukum pen 69 veina ahi hi. Zomi Nam Ni apiankhiat zia tungtawn in isin theih ding thu pawlkhat om hi.

Amasa in, Zomi khempeuh kipumkhat uh hi. Tedim, Falam, Haka, Mindat, Matupi,ctp. avek un kithutuakin thu na vaihawmkhawm uh hi. Ukpi, nautang kideidan loin kihelkim uh hi. Hih kipumkhatna lunggulh huai kik mahmah hi.

Anihna ah, mimal hamphatna ding sangin mipi hamphat nading na en uh hi. Ukpite aa ding bangin supna hi napi amau mah na makai uh hi. Etteh taak mahmah hi. >>

Athumna ah, tua hun lai Zomi makaite in hun paizia na zui thei uh hi. Kawlgambup mipi thuneihna kiukzia tawh kalsuan ahih manin Zogam ah zong mipi thuneihna mah zat ding hi, ci-in muthei uh hi.

Tukum Zomi nam ni-in Zomi Nam Ni hong pian nadinga vaihawm makai i pu i pa te lungsim puak i neih nading Zomi akua mapeuh i kihanthawn hi.

Central Executive Committee
Global Zomi Alliance

LUNG DAM

Read More

PHONE KHAT HINUAM ING

"PHONE KHAT HINUAM ING"

Sang Siamah khat nitak annek khit ciang a Sang naupangte inn lai (home work) ong check kik, akiang ah a Pasal ahih leh Phone tawh Game ki mawlmawl,ahih hang tua pen ama ngeina khat hi .A Sang naupangte' innlai atawp napen a sit(check) laitak Siamah nu amit tui hongluang,a lawmpa'n amuh ciang,banghang' kap nahia ?

Azi : Zani ka Sang naupang te " KA UT PEN PEN"
cih thulu tawh Thangthu(Esay) khattek gelh sak ing.
A pasal : Tua leltak bang kahpih nahia?
Azi : A tawpna pen kasit(check) laitak ka kahsuak lua..
A pasal : Bang ahia agelh ?
Azi : Na ngai o ong sim khia ning ei.

Ka ut mahmah khat a piang thei hileng, "PHONE KHAT HINUAM ING" Ka Nu leh ka Pa in Phone deih mahmah uh,a Phone uhtawh abuai luat manun keizong hong don/kin manloh hun uhzong om, Ka Pa nasep napan tawl mahmah in hongciah hangin a Phone aa ding hun piazo mahmah, ahih hang kei aa dingbel hun neilo. Nasep a thupi mahmah asep laitak Phone ging leh a manlang theipen in delhin Phone lenpah,ahih hang a nasep laitak uh ka kahciang ong thudon manlo uh.A Phone uh tawh kimawl den, keilah hong kimawl pihlo uh.Phone tawh kiho laitak hileh ka thugen a thupi't hang hong ngaihsak lo uh hi.Tua ahih manin "PHONE KHAT HINUAM ING"

Tua thu angaih khitciang a Pasal in kua gelh ahia ci-in adot leh a Zi in Ih Tapa gelh hi ci.
‪#‎Tuhun‬ aading phone neih pen khantohna khat leh agamla te tawh kizop theih na hoih khat hi.
Ahih hang Inn kuansung ki zopna thanem sakleh Ih lungsim kizop nate a susia thei vankhat ahih lehbel hoih lo hi.

** Naupang te in a kiim leh paam aa thupiang teng mu-in thuak kha uhhi.Tua te in a lungsim tawng dongpek uh ah zenin,a nuntak na uh vulthei aa,tua in anun tak na pan vua ongpiang khia athupi khat hi.
Note : Na Phone leh na Ta koi hunpiak huaizaw ding?
Source : S.Mani Kandan - True humanis.

LUNG DAM

Read More

ZCCJ Meaning > ZCCJ Means > Zomi Christian Church Of Jacksonville

Zomi Christian Church Of Jacksonville (ZCCJ)

ZOMI Christian Church of Jacksonville is a Church where all ZOMI can worship GOD with their own language while living in the United States.
They are from Myanmar(Burma),Refugee and some are education high knowledge of Bible or Earth.

The facebook page is here >  Zomi Christian Church - Jacksonville
Youtube Videos > Channel1
                       > Channel2
                      > Channel3
Email  > zccl2014@gmail.com
Church Pastor >Kham Khan Suan 
Ph : +19046008747

Church Building Address >4000 spring park Jacksonville,Fl 32207

Google Map


LUNG DAM

Read More