Tusung teng United State ah Superstrom Sandy kici huihpi khauhpai luatna hangin asi aliam tampi om banah inn le lo tampi kisiacip hi. Tua kawlkal ah India gam nisuahna leitaw lam Tamil Nadu state sung Chennai (Madra) khuapi pan Km.180 a gamlatna Kancheepuram leh Tiruvallur District sung tengah October 31, 2012 ni-in Cyclone Nilam kici huihpi khauhpai mahmah a, mi 7 silawh cih News ah kigen hi. Chennai khuapi zongah guah le huih kithuah in khuapi sung tengah singhiangte kitan zihziah ta ahih manin mipite kilimgin mahmah ci hi.
Huihpi pai ding akitangko khiat akipan Chennai khuapi ah School le College khempeuh October 30, ni akipan kumpi in khaksak hi. Tua banah Government leh private organisation tuamtuam in Motor lampi ah traffic rush luat ding lauhna tawh tuni zum (office) te nitak lam (3:00PM) hunin khaksak uh hi.
Marina Beach ah tuipi kilok ziahziah in Coastal andra pradesh leh Bangalore khuapite zongah tawlnga loin guah zuzu hi. Huih hat luatna hangin kithuzaktuahna lam nawngkai banah State thuneite'n kuamah innpua lamah omlo ding le Tuipi tungah Ngabeng te zong khawlsan phot dingin thupia uh hi. Hih huihpi nun ding vai tawh kisai a va en dingin State Govt. IAS Officer 13 te mawhpuak kipia ci hi.
Chennai, Kancheepuram leh Tiruvallur District sung a om mun niam deuhte tui in tum khin ta in, Sang inn 282 te cimawhte bukna ding (relief centre) in kizang ci hi. Nellore tuipi (Coast) ah ngabeng mi 140 te tangcip uh ahih manin, Coast guard te a hunkhe dingin Helicopter vanleng kuankhia uh ci hi. Leitung khuahun siat lam manawh semsem ta ahih manin, Topa Jesu genkhol (kammalte) tangtung ziahziah ahi hi.
0 Tongkum :
Post a Comment