ZAM Thupuak :: 12 January 2014

ZAM Thupuak
ZAM :: Zomi Association of Malaysia



January 21 ni akipan KL kuamsung ah Operasi omding cizel ei
Malaysia gamsung ah Operasi ihcihcih kimat kihen nasia tak in omkik leuleuding cih kumpi thunei te'n tangko khia leuleu uhhi. Kuala Lumpur kuamsung tengah January 21 ni in Operasi kipanding cih kiza a, Illegally akici Malaysia gamsung ah omtheih nading kumpi theihpihna lai atawilo gamdangmi peuhmah manding uh cih Malaysian Home Minister Zahid Hamidi in genkhia hi.

Malaysia gamsung aom gamdangmi nasem in Passport tawh aom te zong ID Card (Identity Card) athak tawh laihsakding uh cihi. Tua ID Card athak pen Hihg-tech, Security-enhanced ci'n abawl uh hi a, Passport tawh aom Foregin Workers mi 2 Million te tungah hawmkhia dinguh cihi.

Tua ID Card athak pen atungah Micro-chip kici Computer tawh thu ciaptehna kihelding a, tuasung ah a tawipa ii tangthu teng khempeuh leh anasepna Company leh Boss te ii tangthu Information tengkhempeuh kihelding hi. Tuaban ah Biometric Thumbprint akici ID Card tawipa ii khutpi mekna zong kihelpahding hi.

Hihbang in avaihawmna uhpen Malaysia gamsung ah Passport leh Work Permit amanlo tawh alut, nasem tampi om a, tuate tungtawn in thunawngkai tampi omthei hi. Nungdiak inzong Bank ah Security nasem te'n ID Card amanlo tawi uh a, Bank nasem te thautawh kaplum in asumteng taipih uhhi. Tuabangdan buaina leh khemna tamlua ahih manin ID Card athak tawh aomsa teng avek in alaihsawm uh ahihi. Tukumbeima in Malaysia gamsung aom gamdangmi nasem Foreign Workers khempeuh in hih ID thak tawitading uh cihi.

Operasi nasiatak bawlding hong vaihawmna uhzong Malaysia gamsung ah gamdangmi miginalo tamlua ahih manin tuateng asiansuah nuam uh ahihi.
Tua hi a, ei akikal ah ihki helkhakloh nading, mat leh hen ihtuahloh nading in vaksuk vaktohna ah kidawm mahmahni cih kong zasak uhhi. Ref: ZomiDaily



Kimat kihen atam nadiak muntezam
Pudu LRT Station, Pudu Plaza, Maluri LRT Station
KL Kotaraya, KL Mydin, KL Parsa Seni kimteng
TBS Bus Stand leh Sunway Mentari Court



Zomi Nam Ni mapankhop nading sum apiakhin te
Voklaak RM200, Mualzang RM100, Valvum RM100,
Zomi Catholic Community Malaysia (ZCCM) RM200, Thalmual RM200, Suanghoih RM200, Cikha RM100,
Mualbem RM200, Tungzang RM200, Lunmual RM100, Singunau RM100, Christ Mission Fellowship RM200, Tungtuang RM100, Sezang RM200, Tuilangh RM100, ZCF Canaan RM200, Pangsak RM100, Lamzang RM100, Tuimang RM100, Tuithang RM200, Luangel RM100, EBC RM200



Lungdam Kohna

Zomi Catholic (ZCCM, St. Joseph Church, Sentul) pan tukal Thupuak bawlnading RM50 hong piakhia leuleu uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351
ZCF Canaan panin Thupuak bawlnading RM100 huhna hong piakhia uh ahih manin ki lungdam mahmah hi.
Dal Khan Kap (Saizang Khua) in ZAM Thupuak bawlnading in RM50 hong piakhia ahih manin lungdam ihko hi.
Zomi Catholic Community in Malaysia (ZCCM) pan ZAM zumpi ii kisapna tungtawn in ZAM Hall a zatding akisam mahmah Sound System khat hong piakhia uhhi. Hih Sound System pen ZAM ading kituaklian leh zat tangzang mahmah a hihman in ZCCM Upateng le thuzui a kuamahciat tungah lungdam mahmah hi.

Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang dinghi.



Lengtong Pauno DVD thak ki hawmkhia tading
Lengtong Pauno in ama pianzawh kum 50 Golden Jubilee (1962-2012) mualsuang in abawl ahi “A Tamzaan Lungtang” cih Pasian Phatna la vive akihel DVD thak khat hong bawlkhiathei ahih manin ih lungdampih mahmah hi. Hih DVD pen tukum Zomi Nam Ni in Malaysia gamsung aom Zomi khempeuh tungah hongki hawmkhia tading ahih manin akua mapeuh in tha piaciat ni.

Sisitding Contact ki ngahzolo
Pa Thang Hau Pau te innkuan pen mi 8 pha uh a, avek un sisitding IOM panin akisapsap hangin a Phone te kilenlo in, Contact ki ngahzolo hi. Pa Thang Hau Pau ii UNHCR Ref: Number pen 354-09C01153 hi a, MY Number pen MY-125310 ahihi. Tua hi a, hih Innkuan te atheikha peuhin Monday ni zingsang 8am in Tawakal Hospital sisitding nongna gensawnsak nading un kongthuum uhhi.



ZAM pan dahpihna
Malaysia gamsung Nilai khua ah mawtawhawl nasem in aom ahi Tuitum khuami Pa Gin Suan Kap leh Nu Niang Khan Nuam te tapa Pa Khup Muan Khai (kum 25) in 07 January ni in hong nusia ahih manin ZAM pan ki dahpih mahmah hi. Innlam ah azi leh atanu nusia in Malaysia ah nasem sumzong dingin hongpai hi a, anutsiat adamlai innkuanpih te adingin thungetna ah phawkciat ni. ZSM vaihawmna tawh aluanghawm pen 10 January ni in lei ah ki tuhkik theihi.



ZAM Palai sungpan kua tawh kizomding?
Kimat kihen natuahkhakleh:
Sia Tuangpu : 016-254 4093
Sia Thaa Mung : 016-646 5375
Sia Kam Mung : 016-995 6231

Zato vai kisapna aomleh:
Sia Khoi Tuang : 010-286 6189
Sia Kam Sang : 016-918 9692
Sia Kep Lian : 014-369 4897

Nasep leh Bank Card vai:
Sia Mangpu : 019-510 6413

ZAM Card vai:
Sia David Mungno : 017-333 4320

ZEC Sangvai:
Sia Francis Lamthang : 014-225 9458



Zomi Nam Ni pawi mapan khopding sapna
Atung a thu tawh kizui-in, Zomi Nam Ni picing takin bawlnuam ihhih manin Malaysia gamsung aom Zomi akici khempeuh nong kihel nading un zahtakna lianpi tawh kongsam uhhi. Zomi Nam Ni ih bawlzawh nadingin sum leh pai tampi ki samding ahih manin muanna leh lametna lianpi tawh Zomi Nam Ni Committee in anuai a bangin ma ih pankhopding kong zawn uhhi.



Khuakhat pan mimal 100 val aom te RM200 pan atungsiah
Khuakhat pan mimal 100 nuai aom te RM100 pan atungsiah
Biakna pawlpi khatciang RM200 pan atungsiah
Khua kipawlna leh Pawlpi panbek hilo in, mimal inzong piaknop zahtek kipia thei hi.

Amun ding : Chinwoo Stadium
Ani ding : February 20, 2014 (Thursday)
Ahun ding : 10am pan 6pm

Special: Tukumpen atuamdiak in Zomi Innkuan Singapore (ZIS) leh Malaysia gamsung aom Zomi khempeuh in nopcitak in Zomi Nam Ni ki bawlkhawm dinghi.
Zomibup akua maciat in mapangkhawm dingin muanna leh zahtakna lianpi tawh Zomi Nam Ni Committee in kong zasak uhhi.



Music tumding Band sapna
2014 kum Zomi Nam Ni pahtawina pawipi ah Music tumding in minam veina tawh aki piakhiazo ding Music Band (4) ki zat sawm hi. Tua ahih manin Music lamsang kivakna anei, alunglut peuhmah in Sia Enpi (017 334 2760) tungah 19 January ni anunungpen in min sazian nongpiak nading un kongzawn uhhi.



2014 ZSM lutna sum kipia theita
2014kum Genvai kipawlna (ZSM) lutna sum pen ZSM/ZAM zum, Khua makai te leh Pawlpi te ah kipia theita hi. Beisa kum a bangmah in mi(1), kum (1) RM10.00 hi ding aa, kumkhat ai nasum khiatin January 1- Dec 31 ni ciang huam ding hi. Khua kipawl na makai te leh Pawlpi makai te in laibu na ngah naikei uh leh ZSM/ ZAM zumah kila theita hi.



ZAM - ZEC laibusaal
Malaysia a om Zomite Pasian in thupha hong pia in tukum thak sungah Library thak tawh a kithak khawm ding ong hi ta hi. ZAM-ZEC ah nong hawh aleh laibu manpha tampi tak Bizu dim in ana kiciang metmat na mu dinga, laisim thupi asa khat nahih leh na lungnuam in na mai hong tai pah seisai ding hi. Laisim sangin sumlehpaai zonna lamsang thupi asa zaw na hih zenzen leh na mul bang hong kim zawzen leuleu ding hi. Bangbang ahizongin hih laibusaal in na ngaihsutna bang hiam ciang khat hong sukha veve ding cihpen lametna lianpi kinei hi. Bang hang hiam cileh Zomite pen tuhun khangthak sungah ih muhna hong zai in, ih tenna zong Zogam sung bek hinawn lo ahihmanin kikhanglo ciat ta a, tua khanlawhna tawh kizuiin atamzaw in sumlehpaai leh siikkang dolcialte numbat khatna ah koih masa nawn lo uh a, leitung pilna laitaan mah lunggulh zaw ta uh hi. Laibu khat sungah pilna tampi om cih zong kitel ta hi. Zomite atamzaw in niikten puansilh tampi man leina tawh sum mawk beisak nawn lo uh a, tuate sanga a thupizaw laibu hoihnono leina dingin sum tampipi piakhia ngam ta uh hi. Hih thu pen ei Zomite aa dingin khantohna khempeuh lakah a limci leh a deih huai penpen khantohna ahihi. ZAM-ZEC inzong tu in laibusaal nasia tak kinei ta acinuam kawm ih hihi. Tua hi a gamthumna alengding peuhmah in na puaklohding uh laibu manpha khatpeuh aomleh ih Laibusaal ah nongpuak nading un kongzawn uhhi. Nongpuak nading alem keileh Sia Lamthang (014-225 9458) kiangah hong zasak unmaw.

Diamond Jubilee pawikham nading huhngetna
Zogam ah Catholic pawlpi hong tunzawh kum 75 cinpawi Diamond Jubilee aki bawlding hita hi.
Diamond Jubilee pen Tonzang khuapi, Zogam ah 26 - 27 April 2014 hunsung in nopcitak in kibawl ding ahihman in pawlpi, kipawlna leh mimal mintawh nong kihel a, tha nongpiak nading un Zomi Catholic Community Malaysia (ZCCM) mintawh kong zawn uhhi.
Athu ala aki cianzaw in dotnop aomlehzong anuai a makai te kiangah ki dotbeh theihi.
Note tawh Topa’ lenggah huansungah nasem khawm, Francis Khampi (President) Ph: 016-269 1351



ZAM Palai te buaipihdiak pawlkhat
Mung Do Lian (Tongsial) - Jinjang Lockup ah ki buaipih
Khup Lam Thang (Tedim), Kap Thawn (Kawlpi), Sianpu (Mualzang), Kam Lam Mung (Tedim), Kam Sian Nang (Kaptel) hih mi 5 tengpen Langkap Camp ah kiveh theihi. Tuaban ah New Zealand pan JK Pau ii thusiamna tawh hih Thongkia mi 5 te RM300 neklehdawn ki leisak theihi. A vaiteng zong UN zumah Report ki piaksak a, UN te’n alak khiatdingbek aki ngaklai ahihi.
Kam Sian Nang (Kaptel) pen damlohna tawh Changkat Hospital kibuaipih hi.
Khup Lam Kham (Dimlo) pen anasepna ah Operasi lutin kiman a, avai aki buaipih laitak ahihi.
Kham Deih Suan Piang (Lamzang) pen UN Card tawh Kotaraya pan akiman hi a, avai aki buaipih laitak ahihi.
Min Thang Hiu (Vangteh) pen UN Card tawh Sungai Long pan akiman hi a, avai aki buaipih laitak ahihi.
Thang Hawm Sian (Kaptel) pen 02 January ni in damlohna vai tawh ki buaipih hi.
Nai Nai (Mindat) pen 02 January ni in akhut damlohna vai tawh ki buaipih hi.
Ciin Khan Huai (Pyidawtha), Cing Sian Nuam (Pyidawtha), Ning Nuam Zo (Pyidawtha), Khai Lam Cing (Pyidawtha), Lian Deih Cing (Tuikhal), Kham Lam Thang (Mualnuam), Thang Lam Tuang (Mualnuam), Cin Sian Nuam (Suangphei) hih mi 8 tengpen KLIA Camp ah ki vehthei hi. Tuaban ah New Zealand pan JK Pau ii thusiamna tawh hih Thongkia mi 5 te RM400 neklehdawn ki leisak theihi. A vaiteng zong UN zumah Report ki piaksak a, UN te’n alak khiatdingbek aki ngaklai ahihi.
Pui Pui (Singunau), Mangpu (Singunau), Nangpi (Mualpi) hih mi 3 tengpen Bukit Jalil Camp ah kiveh theihi. Tuaban ah New Zealand pan JK Pau ii thusiamna tawh hih Thongkia mi 5 te RM100 neklehdawn ki leisak theihi. A vaiteng zong UN zumah Report ki piaksak a, UN te’n alak khiatdingbek aki ngaklai ahihi.
Hihbang in atung a cina luna, kimat kihen atuak ih mipih Zomi te ihvanzawh nadingin hongpanpih pen kuamadang hihetlo a, ZAM Card hongbawl a kumsim hong Renew tangtang NANG nahihi. ZAM tuniciang adinzawh nading in NGO pan ahi zongin, leitung muntuamtuam aom Zomi kipawlna khatpeuhpan ahi zongin Sponsor ki neilo hi.



ZAM Card hongbawlteng pen ka Sponsor uh hipah nahih manun, ZAM Card abawl Zomi khempeuh tungah lungdam kongko uhhi. Tua ahih manin Zomi veve ihhihhang ZAM Card atawi Zomi te aki buaipih masa ahihlam nong telpih nading un kongthuum uhhi. ZAM Card atawite aki buaipih khitciang adang kipawlna tuamtuam Card atawi te aki buaipihzopan ahihi.



ZAM ah Ngeina Puan ki leithei ta
ZAM zumpi ah ih ngeina Zopuan te ki leitheita hi. Aki ngahthei van te:Zopuan (pasal), Zopuan (numei), Puandum, Zodial, Zodial naikhau (silk), Puanlaisan, Tanghciin, Khephiau Dotbehnop aomleh ~ Ngaih Hau 010-823 0571



Address:

155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email: zomiassociationmls@gmail.com



Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
LUNG DAM