ZAM :: Zomi Association of Malaysia
Ih Paunakte Tawh Nosuak Kik Ni
"Sakhi a pi san, a no san." Tuhun ciangin zomite sungah hih paunak hong tung taktak ta hi. Sakhi api san a no gial cihbang paunak om ngei lo hi. Ei khang ciangin, a san mah ah san ding na hiam? Ahikei leh a san lai gial sak ding na hiam? Ahikei leh ankuang khat lel leh sumlepaai tawm khat lel hang in, Esau bangin na Zomi hihna asan lai gial sak ding na hiam? Zomite’n ngaihsun pha ni. Hun om lai hi. Mangkangte kiangah ka pu ka pate mawl lua in kei tun pil ta ing nomau minam hong suak ning ci thei lo hiteh. Vaci lecin na nunglam pa’n “Hai tat si e maw” hong ci lel ding uh hi. Tua ahihman in na pil leh Zomi aa ding mah in pil inla, na minamte san bangbang in san thei lecin na mailam kalsuanna ding saupi hong musak ding hi.
"Sakhi in zong a tatna ding kuam kua khual.” Mailam na kalsuanna ding ngaihsunsa in gam tat sawm in. Nang khang ciang bek ding hong ngaihsut ken la, na tukhang na takhang ding hong ngaihsun dih in. Gentehna in, Zomi kim lai kei Chin hi ingh na cileh nang khang bek hilo in na tukhang na takhang ah Chin minam na hi den ding a, Zomi cih om thei nawn lo ding hi. Zomi ci-in na kip leh mailam zama natu nata te aa dingin lampi a honsak na hi hi. Tua ahihman in tutung misimna ah zong Zomi peuhmah in sakhi bangin kuam kua a khual zo kim ciat dingin Pasian in thupha hong pia kim ciat ta hen.
"Sialtat zawh nung a sial daai kai" Na lo sungah gan hon atat khit ciangin daai kai ning na cih hangin a ngei bang zo nawn lo hi. Gantat ma in daai a kai theite’n gahhoih gahpha ne ding cihna hi. Chin minam hi’ng na cih khak leh, natu nata khang ciangin ko Zomi mah hi ve ungh na cihnop hangin hun bei ta ding a, na kihelkik thei phial zongin nuamsa zo nawn lo thei ding hiteh. Tua ahihman in hun om lai in daai kaih siam ni. Zomi na hihna sihpih ngam in.
Kawlmi khat in kei Zomi hi’ng hong ci leh ki sang tuan lo ding hi. Bang hang hiam cileh ama sungah Zomi sisan om lo hi. Lengtong Pauno in ZOMI KA HI HI, ZOMI IN KA SI DING HI ci hi. Ih hihna sihpih ngam ding cihna hi. A telsiam kim ciat dingin Topa’n thupha hong pia kim ciat ta hen. Hih pen kei ngaihsutna hi, nang ngaihsutna tawh a kituak kei leh ngaihsun pha kik inla, na kiphawk tuan kei leh kitelsiam ni. Pualsum Sing
Zomi Nam Ni mapankhop nading sum apiakhin te
Khua kipawlna pan
Voklaak RM200
Mualzang RM100
Valvum RM100
Cikha RM100
Tungtuang RM100
Sezang RM200
Suanghoih RM200
Tuilangh RM100
Pangsak RM100
Lamzang RM100
Tuimang RM100
Tuithang RM200
Luangel RM100
Tungzang RM200
Vongmual RM100
Thangkhai Suangpi RM100
Maal Suangzang RM100
Kansau RM100
Langzang RM100
Darkhai RM100
Suangsang RM100
Anlangh RM200
Dimlo RM100
Teeklui RM100
Suangpi RM200
Heilei RM200
Ngalzang RM100
Pawlpite pan
ZCF Canaan RM200
EBC RM200
CMF RM200
Shalom CF RM200
ZCCM RM200
MZCC RM200
MBF RM200
UN ah innkuanpih lutpih dingte
UN minsanna ngahsa innkuan lutpih ding anei peuhmah in amanlang in ZAM zumah na lutpihte min uh hong ap un.
Lengtong Pauno DVD thak ki hawmkhia tading
Lengtong Pauno in ama pianzawh kum 50 Golden Jubilee (1962-2012) mualsuang in abawl ahi “ATamzaan Lungtang” cih Pasian Phatna la vive akihel DVD thak khat hong bawlkhia thei ahih manin ih lungdampih mahmah hi. Hih DVD pen tukum Zomi Nam Ni in Malaysia gamsung aom Zomi khempeuh tungah hongki hawmkhia ta ding ahih manin akua mapeuh in tha pia in leisak ciat ni. Hih “A Tamzaan Lungtang” DVD in lampimaan ah hong kha ding hi.
January 21, pan Operasi kipan ding
Malaysia gamsung ah Operasi ihcihcih kimat kihen nasia tak in omkik leuleuding cih kumpi thunei te'n tangko khia leuleu uhhi. Kuala Lumpur kuamsung tengah January 21 ni in Operasi kipanding cih kiza a, Illegally akici Malaysia gamsung ah om theihna ding kumpi theihpihna lai atawilo gamdangmi peuhmah man ding uh cih Malaysian Home Minister Zahid Hamidi in genkhia hi.
Kimat kihen a tam diakna munte
Pudu LRT Station, Pudu Plaza, Maluri LRT Station
KL Kotaraya, KL Mydin, KL Parsa Seni kimteng
TBS Bus Stand leh Sunway Mentari Court
ZAM Palai sungpan kua tawh kizom ding?
Kimat kihen natuah khak leh:
Sia Tuangpu : 016-254 4093
Sia Thaa Mung : 016-646 5375
Sia Kam Mung : 016-995 6231
Zato vai kisapna aomleh:
Sia Khoi Tuang : 010-286 6189
Sia Kam Sang : 016-918 9692
Sia Kep Lian : 014-369 4897
Nasep leh Bank Card vai:
Sia Mangpu : 019-510 6413
ZAM Card vai:
Sia David Mungno : 017-333 4320
ZEC Sangvai:
Sia Francis Lamthang : 014-225 9458
Sia Tuang : 016 913 7121
ZSM vai:
Sia Kam Lian Mung : 016 995 6231
Sia Khoi Tuang : 010 286 6189
Nausuak lai (Birth Cetifficate)
Nulehpa te in naungek lai ih lak ciangin kiginkholh ding vai pawlkhat omte mangngilh kei ni. Pawlkhatte apa gam thumna a tun khit teh nau suak in, nausuak lai a lak ciangin na pasal e ci-in Officer te’n dong uh a, USA/AUS ah om cia a dawn ciangin nausuak lai bel pia sam napi a pa min munah bangmah gelh lo in awngsak uh hi.Tua nausuak lai tawh UN/Tanzung ah apai ciangin pa nei lo ahihman in tua naungek pen cikmah hunin gam thumna pai thei lo suak hi. Apa min na gelhnop uleh na pa uh hong tonpih un ci-in JPN Officer te’n kal uh ahihman in naungek lai lakna ah vai tellopi a na pai sangin ZAM zumah ah hong ko masa le ucin vai nuam pen ding hi.
Zomi Cup aa ding Volunteer kideih:
Zomi Cup kimawl hun sunga panpihna hong pia dingin khua makai leh pawlpi sungpa’n volunteer kisam hi. A kipia khia zo dingte’n hehpihna tawh hih numbat teng na hopih un.
Sia Hau Khai Ph: 012 367 4665, Sia Mangpu 019-510 6413, Sia Kam Mung 016-995 6231
ZAM Palai te buaipihdiak pawlkhat
Semungih Camp pan in palaite buaipihna tawh 01/01/2014 niin Zomi 20 hong suakta uh hi.
KLIA Camp pan in Zomi 11 09/01/2014 niin hong suakta thei uh hi.
Bukit Jalil Camp pan in 13/01/2014 niin Zomi 17 zong hong suakta thei uh hi.
Lailo khuami 6 kimante pen Sunway palik zumah kibuaipih hi,
Gin Muan Pau (Malsuangzang) leh Zam Thang Kai (Vangteh) te Sungai Buloh thawngah kibuaipih hi.
Thawngkia sa mi 36 UN ah report piak kim theih dingin ki buaipih hi.
Zomi thawngkia a kibuaipih lai te
Sungaibuloh thawng sungah mi 20
Kajang thawng ah mi35
Bentong thawng ah mi 7
Alor Star thawng ah mi 13
JUDU Camp ah mi 5
Bukit Jalil camp ah mi18
KLIA Camp ah mi 12
Langkap Camp ah mi 14
Pakananas camp ah mi 10
Semunin Camp ah mi 7
Lenggeng Camp ah mi 9
Malaca Camp ah mi 10
Ajil Camp ah mi 5.
Hih a ki buaipihlai Zomi unaute ih thungetna ah phawk ciat ni.
Thawngkia te vehna
Bukit Jalil Camp ah Tual Sawm Pau, Nang Deih Piang, Kham Mung, Thang Lam Kim, Cin Lam Thang leh Lai Simeon te RM200 tawh vehna kinei hi. Hih vehna sum pen New Zealand pan JK Pau in ama thusiamna tawh hong piak ahihi.
Lungdam kohna
Emanuel Lian Khup Pau in ZAM-ZEC Laibusaal sunga koih ding laibu manpha mahmah ahi “Rev Kam Khaw Thang (B.Th., DD, FDCS) leh Tedim Laisiangtho” pen phal takin ong pia khia hi. Ama tungah lungdamna lian lua hi.
ZAM Card Tawi Zomi Numei ading nasep
Zomi Numei 2, Bangsar Ansai sunga nasem ding kideih kin, Nasep hun nai 12 sung, Kal 1 ni khat off. Mikang (English) pau siam ding, Kha sum RM1450/-, Omna leh An pia. Inn nung leh inn mai lam tai sem ding: Alunglutten: Sia Mangpu Phone no. 019-510 6413
ZSM pan tangkona:
ZSM 2014 kum ai dingin amasa pen, palai te thudotpi te leh Khua makai te, Pawlpi makai sia/ma te Upa te tawh kimuh khopna hun thupi mahmah khat 17.1.2014 Friday ni in ZAM Hall ah 12:00-02:00PM sung kinei thei aa, a khuakhua pan makai te leh Pawlpi tuamtuam pan makai te vekpi gawm (89) kihel thei hi. Hih amasa pen kimuh khopna hunsungin abeisa ZSM nasepna te galet kawmin 2014kum sungin Zomi te in ZSM sungah kipum khatin mapang khawmin, kalthak suan khawm ding hi hang ci in holimna leh kikupna lianpi kinei thei hi.
ZSM kipawlna in .10. 2009 pan kipan hi a, tu in kum 5 huam sungah ih lutta hi. Hih kum 5 huam sungin
2009 Oct 1- Dec 31, misi 3
2010 kum misi 20
2011 kum misi 20
2012 kum misi 27
2013 kum misi 28
2000-2009 October ciang misi 43, (ZSM kipatma) vekpi gawm Zomi sinsen luang143 in Malaysia gam sung panin hong nusia uh a, amaute luang in han atanzawh nangin ZSM kipawlna ah mikhat kum khat RM10 tawh na kihelna hangin amaute luanghawm te han leitang atangsakzo ih hihi.
Kong it Zomi sanggam Nu leh Pa U leh nau, tuni in 2014 kumbul ah om hi hang tukum sungin hih ZSM nasepna ah nang na kihel nai kei leh na pawlpi or Khua makai te tungah ZSM lutnuam ing ci-in na kan ta in. Zomi te in ih damlai in Chin khawng ih kicih hangin ih damloh hun dongtuak hun sihna ih tuak hun ciangin Zomi ahihlam a kilang sakpan zong ih tuah khaksa thu pawlkhat om ahih manin Zomi u leh nau tukum peuh mah hih ZSM kipawlna ah Zomi akici khempeuh in mikhat kum khat RM10 bek hi tazen ahih manin ih lut kim hamtang nangin ZSM zumpi panin kong tangko kikkik uhhi.
RM10 na khiatna pen ka tuahsiat khak zenzen leh cih ngaitsutna tawh pia kei in la, atuak kha mite ka panpih nang cih ngaitsut na tawh piakhia zaw in.
Lungdam Kohna
Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351.
Gamsung gampua panin ZAM nasepna na panpih nop a tha napiak nop leh lungdam takin hong kisang ding hi.
CO Class kahna mun
Cultural Orientation Class
F & B Business Park, 18 Jalan, Metro Pudu 2
Fraser Business Park, Jalan Pudu
55100, Kuala Lumpur (Near LRT Chan Show Lin)
UN Sisitna mun
IOM MHD Malaysia
2nd Floor/Level 3 KPJ Healthcare
No 1, Jalan Pahang, 53000 Kuala Lumpur, Malaysia
General Line : 03/9235 5400
ZAM ah Ngeina puan leh vante kingah
ZAM zumpi ah ih ngeina Zopuan leh vante ki leitheita hi. Aki ngahthei van te:Zopuan: a bantong leh a bansau (pasal), Zoniik nam tuamtuam (numei), Puandum, Zodial, Zodial naikhau (silk), Puanlaisan, Tanghciin, Khephiau, Zokhi, Zo Lukhu, Zo thungkuah etc.
Dotbehnop aom leh ~ Ngai Hau 010-823 0571
“Minam veilo te tawh vantung gamah kiveng nuam kei limlim ingh." Pu Hang Khan Lian
Address:
155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email: zomiassociationmls@gmail.com
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
LUNG DAM
0 Tongkum :
Post a Comment