IOM ah sisit ding te theih ding

IOM ah sisit ding in na pai ciang bang teng ki gingding na hiam? A masa in IOM address na theih masak kul hi. A nih na ah na UN card leh cidam na tawh kisai laibu dang leh nisim a na nek zatui  aom leh tua te pua in.

IOM MHD Malaysia
2nd Floor/Level 3, KPJ Health Care
No.1,Jalan Pahang
5300 Kuala Lumpur, Malaysia
General Line:03-9235400


Sisit ding ci in phone hong kisap teh hoih tak in ngai in la, na pai ni ding leh a hun ki cian takin ciam teh ham tang in. Napai ni ding pen nailap sitset in la, zia kai kei in. Na ziakai leh buaina tampi takna tuak ding hi. IOM sisit na zum na tun teh tutna ah tu in la, ngak in. Syamah te in na min hongsap ciang na UN card lak in la hi leh laidal khat hong pia ding uh hi. Tua laidal pen na ciah ciang na ap kik pel mawh kul kik  ahih man in hoih takin kem in. 
IOM sisit na ah sepding nam 5 om hi.
(1)Siteh ding, Pong ki teh ding,Pi kiteh ding, Mit hoih maw hoih lo ki sit ding,Cidam na tawh kisai natna lui nei ngei maw? neingei lo? Cih syamah te in thu dotna hong nei ding uh hi.
(2)Silak na ah si lak kul hi.
(3)Datmaan ki zaih kul hi.
(4)Siavuan pi te in pumpi bup velna na hong nei ding uh hi.
(5)Kakuaisi ki sut kul hi.
  Hih nam 5 hih khin lo piin  na mawk ciah leh hong sam kik ding uh ahih man in syamah te in ciah thei ta teh hong cih loh in mawk ciah kei in.
(1) Syamah te in na min hong sap ciang numei te in zun sitmasa ding uh hi. (Pasal te sit kul lo) Si teh ding, Pong ki teh ding, mit hoih maw hoih lo cih hong sit ding hi. Tua khit teh Khaansung khat ah siavuan te in thu dot na hong nei ding uh hi. Natna lui bang teng neingei na hiam? Tu lai tak bang natna nei na hiam? Zato na lum ngei hiam? Na ki at ngei hiam? Zanah na teep hiam? Zuu na dawn hiam? Nisim a zatui nek na nei hiam? TB na nei ngei hiam? Ngetphia na nei ngei hiam? Hih mun ah bang mah im lo in na nat na ngei te gen in. Naupang neu lai te in nau suak lai (MCH laibu) puak ham tang kul hi.
(2) Silak na khaan mai ah ki gual in la, na hun hong tun ciang silak na khaan ah lut in na si syamah te in hong la ding uh hi.
(3) Datmaan kizaih na khaan(Inn nuai ah tuak suk in a pam ah tawm khat ki pai phei) ah syamah te in hong sap ciang pai in. Puan kilaih na ah puan ki lah in la, numei te a hih leh dial khat tawh na awm dal in. Pasal te bel puan suah ziau ding hi lel hi.Syamahte in Satu hong cih leh huih nakpi in diik to in la, Dua hong cih ciang na hu khahkhia in.
(4)Siavuan pi te in pumpi bup velna(1st Floor ah) hong nei ding uh hi.Khaan sung nalut ma in na khedap suah in. Natna neih ngei leh cidam loh na nanei ngei hiam cih hongdong ma sa ding uh a, tua khit teh khaanneusung khat ah lut in na puan leh na pheituam suah in. Pheituam sung ten leh nawi bu tuam bek tawh om in. Na pum pi hong vel ding a, bang mah maizum ngaih sut luat ding hi lo hi. Hih siavuan pa in hongvel khit teh laidal khat hong pia ding hi.
(5)Kakuaisi kisut na Ground Floor ah IOM kong khak na lut na gei taklam a kongkhak  ah lut in la ki gual in. Na baan tak lam ah nih vei leh na veilam ah khat vei hong sun ding uh hi. Na pai khiat ciang in kakuaisi kisut kik ding ni appointment hong piakkik ni uh hoih tak in ciam teh pah in. Tua laidal khat hong kipia pen mangsak lo in kem tite in.
Hih nam 5 na zawh khit teh syamah te kiang ah bang kisam lai hiam cih dong in la, a vek in man hi ciah thei ta teh hong cih ciang na ciah thei ding hi.LUNG DAM