Zomi te mabanding bangcihding cihtawh kisai in Zomi Forum Yangon khuapi ah August 23, 2014 ni in nasiatak in kibawl a, alamdang tak in kawlgambup media te bekthamlo, kumpi te Media ahi MRTV tengiat nasiatak in delh in thuthak la uhhi. Mipawlkhat te bang in Media te hahsap keei cihbang hilo in khoh zawhloh liang in Media te thudong nuam kiphu lumh dektak uha, Imakaipi te ahi Pu Chin Sian Thang, Rev Dr. Simon Pau Khan En te bang husam dektak uhhi. Media kheempeuh ah Zomi minampi ahihna kipulaak zihziah in kawlgambup linglawng sak hi.
Hih Zomi Forum Conference ah aki bulphuh kikup thu pawlkhat...
1. Zomi Identity vai-ah ei le eikigensia-a, banghangin midangte phat ihi hiam?
2. Pupa satsa Zogam leitangvai, Global huam Makaipite’n geelna diktak ihnei hiam?
3. Tedim, Tonzang, Cikha gam sung, aninsak gamnuai mite vai-ah Makaipite’n vaipuak naneiuhhiam? Gam siangtho in hongkiciapteh ding ihdeih hiam?
Minam vai veiluat nate;
1. 2013 November(1)pan a kikhawlsak (hongthahsak) (Tg. Kham Sian Mung- damlai leh Tg. Bia Suan Muang-guiawk)te vai-ah Global huam Makaipite’, Minam minpua Party Makaipite’n ihthei hiam?
2. Mipi te’n ih Makaite Pahtawi ding, Zahtaakpiak ding, Kamdot ding ih thanem zahkhat-in, Makai lutang aa omte’n Mipi lunggulhna a vei valvalloh pen banghang hipen dinghiam?
3. Laihawm (news) lam-ah banghang-in kikhangto zolo hiam?
Mailam khuasak ziading lunggulhnate;
1. Mipil tampi ihom bangin, Makaipil, Makaihoih tampi suaktheih ding ihhiam?
2. A lamkim-ah khangthak te ading, a vanzo, a vei Makai koici piantheih ding hiam?
3. Global huam Zomite adingin “Master Plan”khat ihbawl zo dinghiam?
Video tawh na etnop leh >>http://youtu.be/b2z1lHE1x4U?list=UU6ErWVkt021F3uJLd5r6_nA
LUNG DAM
0 Tongkum :
Post a Comment