Tulsa, OK ah Lukhu nelkaai ngahte lungdam pihna

USA gam Zomi te tam a tenpen na khua pi khat ahi Oklahoma State, Tulsa Khuapi ah abei sa May 21,2012 ni-in A 103rd Vei na Jenks High School sang tuah pawi ah mangvom mangkang mi 700 val bang lak ah Zo mi 8 bang ong ki helthei ahih man in ibiak Pasian tung ah lung dam i ko hi.

Topa thupha sang in gamnuam i tun teh mitawh ki bang in gual zawh na i biak Pasian inmin than na te tang tawn tung ta hen. Tua teng lak ah FGATulsa pawlpi pan in Zolia nih zong ong ki hel thei ban ah Pah tawi na a nuai a dan in ong ngah uh ahih man in Zomi te lak ah i ang tang pih mahmah hi.

Tung Zang Khua mi Pa Thang Zel Lal leh Nu Cing San No te tanu a upen Lia Cing Sawm Lun (Lunpi) in May 21, 2012 ni-in 103d Anniversary Of Jenks High School Graduation ah High School Diploma ong ngah in

The National Society of High School Scholars
Founded by
Chairman Claes Nobel,A senior member of the family
Established the Nobel Prizes.

&

Oklahoma High School Mock Trial Program
Founded By
Oklahoma Bar Foundation and
In Cooperation with Young Lawyers Division

Pahtawi na te ongngah lai ahih aman in Pawlpi mi akua mah peuh in ki lungdampih mahmah aa pawlpi min tawh zong pahtawi na May 27, 2012 ni’n Rev.Dr. Dam Suan Mung in ongpiak sak hi. Topa’n ama suan khempeuh lam onghon sak lai ta hen. Lia Lunpi pen FGATulsa Youth ah zong ahih hih theih zah in Pasian gma leh Lei a ding in Ma Pang mahmah khat ahihi.

Pimpih khua mi 1213 WEST, 117th Court Jenks,OK 74037 ah ateng Pa Hau Khan Khual leh Nu Niang Zam Khoi te tanu upen Lia Cing Khan Nem (Nemboih) in May 21 .2012 ni-in 103rd Anniversary of Jenks High School Graduation ah High School Diploma ong ngah thei ahih man pawlpi mi akua mapeuh in ki lungdampih mahmah aa pawlpi min tawh zong pahtawi na May 27 .2012 ni-in Rev.Dr. Dam Suan Mung in ongpiak sak hi. TCC ah kum nih sung sangkah thei nading ong ngah lai ahih man in Topa’n amasuan khempeuh lam ong hon sak lai ta hen. Lia Nem boih zong FGATulsa Youth ah Pasian gam leh lei ading ma pangmahmah khat hi in,Pawlpi leh Pasian gam ading ma pang mahmah khat ahihi.

Ni dang lai in Kawlgam ah Sang sum ding khawng ki patau in tu in gam nuam i tun teh zingsang mataw in ongmuak,ni tak in ong kha in Sangsap bei lo ban ah an khawng ong vak lai ahih man in,Lei vui pan ong lamto,nin phual pan ong dom to ibiak Pasian tung ah lung dam kohkoh ding ahihi.Hih Jenks High School ah Kum sim in Mi tul 3 val bang a a kah den ahi in,Mang vom Mang kang,Asian mi ki gawm a,pil na ki sin ngei ngai ahihi.Kawl gam pan in a kah te lak ah Zomi te ki tam pen den hi.Kawl sit lian bang om lo in Kayin leh Zomi te ki tam pha deuh hi.

Gual zawh na ong ngah i sanggam te i lung dam pih a,Zomi leh Zo gam a ding in Pasian in ong zat sak semsem ta hen. TulsaFGA