Chin World Media 20/June/2012 Thu phuansuah na zui in CNF pailai zum hong ding te June 19 ni in Rih Khua dar hong tung ta uh ahihi. Zan ni in Rih- Haimual- LenTang- Tedim , Falam- Hakha lamdungzui in hong pai uh a, Tedim 12:00 in tung uh hi. Tedim zan tam ngamlo in Falam Khuapi zuan pah uh a, Falam panin Nitak Daak 7:50 in Hakha paisuak uh ahihi.
Tedim Khangno te in zong CNF makai te hong pai dinglam thei hi dinghiam? Lamdung ah Get Out CNF Cih lai gelh uh ahih man in lingliang in Tedim pan Hakha taisuak dan ahihicih CWM thu phuan ah ki mu thei hi.
Zogam Matupi khua pi ah 2012 /June/ 23 ni in CNF zum hong ding uh a, 2012/ June/ 29 ni in Thantlang ah Zum hong kik ding ahihi. Matupi ah Pu ThangYen Zum ngak ding a, ThanTlang ah Pu HC Ral Hnin makai in Zum ngak ding ahihi.
Abeisa hun Tedim ah June 10 ni kim in CNF zumhon ding thu kiza ngeizo ahihi. Ahizong in Tedim ah District ngah loh hang in Tedim , Tonzang, Cikha khuapi te Lungpho na nasiatak in aom ban ah Tedim CNF zum honding dong in kideih loh thu nasia semsem ahih man in tu ni dong in Tedim ah CNF zum hon ding ani kithei sak zonailo ahihi. Tedim CNF zum ngak ding Pu Hau Kang zong Thantlang CNF zum ah tu phot ding ahihi cihi. ZomiDaily/HauThang
0 Tongkum :
Post a Comment