Nepal gamah Vanleng Kia
Nepal gam Kathmandu Airport pan leitung a mualsang pen Everest Mount paina Lakla khuaneu zuan a leng khualzin mi 19 tuanna The Sita Air Dornier vanleng khat pen tuni September 28,2012 (Friday) ni-in Lakla Airport tun madeuh Km. 1 a gamlatna Monohara Gunpi kiang bawlung tualneu sungah Kia-in meikang pah ahih manin, atuang khempeuh sikhin uh hi. A kiat laitak amu akiang a teeng nupi khatin a genna ah, " Vanleng pen a khiat ma in meikang khin in, lei a tuksuk khit ciang nangawn in asung a tuangte meikuang sungah awng ziahziah" ci-in gen hi.
A site sungah 12 te pen gamdang khualzin mi (Tourist) Everest mualsang tung kahsawm vive hi uh a, British mi 7, China 5, adangte pen vanleng hawlte le Nepal gammi 7 kihel uh ci-in National Police spokesman Mr. Binod Singh in gen hi. Vanleng kiat madeuh in vanleng hawlpa (Pilot) in Vanleng encik te zumpi ( Civil Aviation Authority) te a hopihna ah Vanleng in vasa Muvanlai (Eagle) khat taih /vat kha cih thu phone set man ci hi. Tua akipan Vanleng Engine langkhat hoih lo pahin, a lenzia man nawn lo ahih manin, Pilot pa lungbuai lua cih gen hi. A hih hangin vanleng hawlpa (Pilot) in Lakla airport limtak tuksak ding ahanciam hangin, kamsiatna tawh Vanleng meikang pah cih Aviation Authority te in gen hi.
Nepal gamah hih bang a vanleng kiatna/tuahsiatna pen abeisa kum 2 sung bekbek ah 6 vei atuahsiatna hi in, mi tampi tak mah si den uh hi. Nepal gam pen gamzawng ahih bang mahin, kizopna lampite le Internet cihte akipan kizopna haksa luatna hangin, Meiphelh Mawtaw cihte a hunlap in tung pahpah lo ci hi. Hih misite pen a kumtam pen 60 phain, a tawmpen 27 pha ci-in, vanleng zumte in gen uh hi.
Source by: ABC & Dailymail
Translated : Tongsan Media Group
0 Tongkum :
Post a Comment