Phone Leh Thau Aki Thuah Hong Tampian Ta Ahih Manin Yangon Tembaw Khawlna Te LehVanleng Tual Te Ah Limtak In Sit Nading Yangon Kumpi Makai Te'n Thupia

Mobile Gun aki ci Phone leh Thau akithuah kawlgam pan tampi kiman khin aa,Yangon Kumpi lam makai te'n Kawlgam Tembaw Khawl/tun na munte leh Vanleng tual khempeuh deihtak in sit kul hi ci'n Yangon Kumpi makai te'n thupia uh hi.

Abeisa April kha pawl in Phone leh Thau akithuah tampi hong suak khia cihthu kiza ahih manin munkhem peuh aa khualzin te' lampi teng kisit ding hi ci aa,ahi zongin aki mukhia taktak omnailo in kepsiam lai mahmah uh cihi.
Tua ban ah Vanleng tual aa tavuan neite leh Tembaw khawlna aa tavuan neite in bel gamdang pan zong tua danin puakkhuan pialo ding uh ci'n gen uh hi.Ahi zongin Yangon aa om lamkiu leh mun ginalo te ah Temta neu aa kipan apua khempeuh thusit thuak uh aa,lim takin ki gak mahmah lai ding hi ci'n tavuan nei te'n gen hi.
Hih thu tung tawnin amuan mawh huai aki muh nakleh nasia takin thu ki bawlding hi ci'n genbeh lai uh hi.