Nidang lai in tembaw pi sawm a nei mihau mah mah khat om hi. Hih mihau pa in nasem zong tam pi tak nei a, sum ngah na, sum zat na zong tam in a thu nuam mah mah mihau khat a hihi. Nikhat a nasem te gamdang ah van pua in Tembaw tawh a pai phuaihkhat pen tuipi laizang ah huih leh guah nak pi in ki thuah a, tui hual ki lok lua mah mah a hih man in Tembaw pen tuisung ah a tum ding hong hi ta hi. Tembaw tung a, a tuang mi khem peuh pen tembaw nasem te in gunkuang neu neu te tawh mun dang ah a man lang thei thei in puak khia sam sam uh a, mi khem peuh a suah tak khit uh teh Tembaw na sem teng bek hong cian ta uh hi. Tembaw pen tuisung ah tum ding hi ta mawk a hih manin tembaw nasem te khem peuh zong a cih na ding uh thei tuan lo uh hi. Hih tembaw pan in ei ih suah tak hang in ih tembaw tui sung ahkia sak mawk leng ih mihau pa inbang hong cih mawk ding a hi hiam? Tembaw dang leisak kik zo lo ding hang a, tua sang in ei zong tuisung ah si khawm vet leng hoih zaw ding hi ci in nak pi in alung uh kham hi.
A tembaw uh lah tuisung ah tum duaiduai ta a hih man in a tawp na ah tembaw nasem lak pan a lian pen pa in bangbang hi leh a hibang bang in ih mihau pa kiang ah gen ding hi hang napum pi uh ki sia sak kei un ci in tha pia a, tembaw na sem khem peuh zong a suahtaak theih nading un hong han ciam uh hi. A vek un hong suakta uh a, a hi zong in a mihau pa uh kiang ah koi ci gending cih a vek un lung kham uh hi. Bangbang hi leh ih gen loh lah pha mawh a hih teh cih na tawh a boss pa kiang uh ah a vek un hong pai khawm uh hi.
Tembaw nasem te ngaih sut na ah a mihau pa un sum bang zah hong liausak ding hiam? Ka khan tawn in hih sum te lohkik zo ding ka hiam? Ka innkuan te ka vak na ding sum koi ci zon behzo nawn ding ka hiam? Cih na tawh nak pi in mihau pa mai amuh ding uh lau mah mah uh hi. Mihau pa kiang atung uh teh mihau pa'n zong lam dang sa mah mah a, banghang hiam? Banghang in no teng hih mun ah hong pai khawm thei na hi uh hiam? Na tembaw uh koi ah om hiam ci in mihau pa in dong hi. Tembaw nasem te zong a dawng masa ding om lo uh a, khat leh khat ki en kawi kawi uh hi.
Nasem te in bangmah gen ngam lo ciha theih teh mihau pa in na tembaw uh ki sia hiam? Bang dan hiam? hong gen dih un a cih tak teh tembaw hawl pa in a thu teng gen hi. Mihaupa aw “ Ka khualzin na uh ah guah tam lua in huih leh tuihual khauh lua a, na tembaw tuisung ah kia hi. Ko na nasem teng leh atuang mi te bek a suak ta zo hi ung” ci in dah mah mah na tawh a thu gen hi.
Mihau pa in zong hih thu a zak teh a nasem te kiang ah “ Bang hang in hih tembaw tui sung ah a tum na tawh no leh no ki sin gim sak na hi uh hiam? Tembaw 10 ka neih hi a, tu in 9 tak ka nei lai hi. Bangmah lung kham kei un. Hih in leitung beina hi nai lo hi” ci in kam khum tak in dawng kik hi.
Tusung teng kawlpi ah tui khan hang in inn leh lo a ki sia tam pi om cih ih za hi. Tua bek hi lo US lam a te zong nasep na pawl khat ki khawl bawl a, cik ciang ki pan kik thei ding cih ki tel lo cih za ka hih man in ka lung nuam het lo hi. Haksat na a tuak te khempeuh in ih phawk ding thu khat ah “ Hih in leitung bei na hi nai lo hi” cih kam mal tawh tha hong pia nuam ka hihi.Ngaihsut na bei in cih na ding na theih loh lai tak nang a ding in zingsang khua hong vak kik ding a, ni hong suak kik ding hi cih phawk in.
.....Deih Tung.....(Tomno khat sung Malaysia)
+6016-9871812
http://vunghdeihtung.blogspot.com
0 Tongkum :
Post a Comment