Laisiangtho bu

Laibu khem peuh lak pan in

(1)Hih leitung ah laidal a ki thoh  khem peuh lak pan  daltam a ki thoh pen

(2)Laibu ki thoh khem peuh lak pan a ki thoh mun pen

(3) Leitung a lai tuam tuam tawh a ki tei sawn lak pan in tam a ki teisawn pen laibu

(4) A  lei leh a sim a tam pen laibu

(5) Leitung gam khem peuh ah a ki zel laibu

Hih laibu in bang laibu hi mawk a hihiam?

Hih laibu pen Mipil minthang tam pi tak in a maulai tek in a teei sawn tek uh  Pasian kammal Laisiangtho bu  a hihi.

Ka neu tung panki pan in laibu ka sim khem peuh ki gawm leh bu tul khat cing nai in ka ki um kei hi.Bang hang hiam cih leh  ka om na leh laibu tawh ki gam la ka hih man zonghi a, hun ka neih loh man zong ahihi. Laibu ka sim ngei sa te sung pan in hoih ka sak pen leh kim ka sak penpen in Laisiangtho bu  ahihi. Tangthu lah om, Zawlthu lah om, pilna zon ding dan, nuntak khuasak ding dan, cihtak na leh thu manna tawh nun tak ding dan, Kumpi ulian te tawh ki zopzia,Nu leh pa te tawh kizop zia, ta te makaih zia thu khem peuh a kim Laisiangtho bu a hihi. Tuabek hi lo in tawntung nuntak na ding lampi hong lak Laibu a hih man in mi khem peuh a ding in a kisam pelmawh Laibu a hihi. Laisim a uk vet lo a ki ci te’n zong sim hamtang uh a, laisim thei a hih nak leh laisim thei lak pan in 99% bang in sim ding in ka um hi.

Laibu ih sim ciang in lai ki gelh khem peuh ki sim zo lo ding a, lasim dan ih siam hong kul hi. Mai a muh khem peuh ih sim sawm mawk leh pen bangmah ki lawh tak kha lo ding a, lasim sim cih ciang bek tawh ih nuntak na bei lel ding hi. Tu in tuadan ding in kong deih kei hi. Lai ihsim ciang in ei tawh aki sai zawdeuh ih khan tawn tung a ding Pasian kammal Laisiangtho pen sim pel  mawh ding  a hihi. Laisiangtho bu ih sim khit teh  anih na ah  ei nuntak nading, ih nasep na ah a ki sam theih ding thu te, ih nuntak pihtheih ding, ihkhan toh theih nading news tuam tuam in hong zom to ding hi. Laisim siam kei leng ih hun bei lel ding a, ih mittha bei lel  kha ding hi.

Leitung ah Christian te bek hi lo in mipil tam pi tak in zong Laisiangtho sim uh hi. Hih Laisiangtho sung pan in  mi tam pi in pilna ngah lawh uh a,  nuntak pih uh hi. A diakdiak in ei  Christian te sung ah ih inntek ah Laisiangtho bu ih nei tek  hi. Ih singkuang sung ah koih cip ding hi peuh mah lo a  nisim a tha lak na ding a sim zel ding leh a nungta  ih biak Pasian tawh ih ki zop na ding  ahi hi. Tu hun ciang in leitung pilna hong sang to mah mah ta a, ih phone sung, ih computer sung ah  kikoih tek a, koi koi ah pai ta leng ih omom na ah Laisiangtho ki sim thei hi. A hi zong in a sim tangtang pen tam ka mu kei hi. Lai sim ih uk kei phial zong in pen Laisiangtho sim pen uk loh a pha mawh thu khat hi kong ci nuam hi. Kei laisim ka uk vet loh thu khat hi in na cih phial leh zong Pasian thugen siam te thugen na ngaih nop ding leh nazuih nop ding ki sam kha ding hi.

Laibu om loh na inn in padenpauh a nei lo inn tawh ki bang hi cih ih theih sa hi. Laisiangtho bu om loh na  inn in nuntak na ding in huih a diik lo te tawh ki bang hi.Khat veivei ciang Huih  diik lo a, a nuntak sawm dan tawh ih nuntak na ki bang ka sa mai hi.

Hih leitung a  Laibu  minthang mah mah khat a hi Laisiangtho bu pen na sih ma in khat vei bek a sim ngei lo na hihkhak ding pammaih kong sa lua hi. A zenzen in a sim ngei lo te in tu ni pan kipanin Laisiangtho sim ki pan ding hang a, a sim sim sa te in zong zom zom ding  hi hang. A sim sim te zong hih leitung ah a om a manpha mah mah Laibu a sim na hih lam kiphawk thak in.