Nobel prize tawh ki sai tu kum sung a a ngah te

Kum sim in physics, chemistry, literature, peace, economics, medicine and physiology cih te ah a madawk zaw deuh te leh a hoih pen a siampen te a ki pia den a hihi.

Literature Nobel Prize 

2013 kum a ding in  lailam ( Literature Nobel Prize)tawh kisai  pen Canada gam mi laigelhsiam mah mah Ms. Alice Munro in ngah hi ci in Sweden gam Stockholm  khua pi pan  Nobel Committee te in genkhia uh hi. Kum 82   a pha khin Munro pen kumsawm a phak a pat laigelh aki pan khat hi a,a khan sung ah laibu tam pi tak gelh khia in letsong tam pi, pah tawi na tam pi zong ngah ngei khin hi. A hi zong in tu a angah Nobel Prize in a ngah ngei lak pan in a lian pen a hi hi. Munro pen lailam tawh ki sai in Nobel Prize a ki pia lak ah a 13 vei na zong  ahihi.

Chemistry Nobel Prize

2013 kum a ding in Chemistry lam tawh kisai in a ngah te pen Martin Karplus, Michael Levitt leh Arieh Warshel te mi thum in  ngah khawm uh hi. Multi-scale models a ki ci namkhat thoh khia zo uh  ahih manin  Royal Swedish Academy of Sciences zum pi pan in pah tawi na pia uh hi. Hih letsong pen a sum in US$ 1250000  a hihi. Australia gam ki Martin Karplus pen Strasbourg  leh Harvard University te ah Professor  asem a hihi.South Africa  gam mi Michael Levitt pen Stanford University pan hi a, Arieh Warshel pen Los Ageles a om South California University pan a hihi.

Physics Nobel Prize

2013 kum a dingin Physics tawh ki sai Nobel Prize a ngah te pen Belgium gam mi Francois Englert leh Britain gam mi Peter Higgs te in ngah uh hi. Hih tegel pen Higgs particle a ki ci nam khat thoh khia zo uh ahih manin a ki pia a hihi. Hih a na bawl uh pen God particle zong ki ci a, leitung a  na a om khat peuh peuh a ki pian sak cil na ding in a  ki sam masa nam khat zong a  hihi.

Hih Nobel Prize pen 1901 kum pan in kipan  in  Pilna tawh na a bawl tawm mipil mi siam mihau min thang Alfred Nobel  in Science, Literature, Peace cihte ah a gual zo te pah tawi piak na in a sum te hong piak khiat na pan a a ki pan a hihi.