ZAM :: Zomi Association of Malaysia
Malaysia ah Zomi te kizuak
Theih huai thupawlkhat hong hawmsawn nuam ing. Tusungteng Kalaymyo pan in sum kisamlo hi, ci’n kihona leh kitheihsakna omkhol lopi in a honhon in Malaysia hong kipuak ziahziah hi. Mitampi tak pen i theih a tam hangin i teltawm ahih man in vaipen a siang ziauziau ding kisa ahih manin a nungsangah hong kikaih awk gawpding lauhuai hi.
Kalaymyo leh Zogam khuaneu te ah tangval pawlkhat nasep neilo te, a vakna panun, puaisa te’n “No hikhawngah bang hih, Malay pai nuamlo maw?” phot zawzen, ol tuak simpian. “Painuam lua, sum neilo”, a dawnkikna hi. Tua ciangin, zuau luading kisa khuhkhia phot liangin, “Sum kisamlopi, Zangkong pai nading bek kisam, Malaysia tung le uh teh na khasum uhpan a lang hong kilaksak ding in kha nih kha thum sunga lohkik pah ding tua teh no na sep nop pepeuh uh sem thei ding hi uh teh”, ci uh ahih man in, nuntak hak sat tawh a lem theiding ahih leh ci’n hong kipai hi. Malaysia tungtatakta, “Meltheih nei maw, neilo. Na neih vua leh hopih unla RM2500 tawh tu mahmah in hong tat kei uh leh mundang ah hong zuak mangding. Kua mahtawh kicontact thei nawnloa hong koih ding. Hong kitat kei leh RM4500 na loh zawh mateng uh pek khat zong hong kipia lo ding hi”, a cih tak uh teh.
Meltheih neiteng in hopah in a kitan te kitan in a kitan zolo te, kiho thei nawnlo in a mang hiphot hi. RM4500 loh khin mah le uh kua mah contact theilo phone neilo ahih man un, a pai nading uh om tuanlo in tua bangin, silah nungta in a om tampi ommawk hi. Nasep pen mi ut loh penteng semsak in a tamzaw Cameron Highland ah lokhosak in cingngiat uh hi. Zingsang Motor pi tawh paipih in nitak teh khakik uh aa, inn sungah khumcip uhhi. A maulam pan hong hopih kei uh leh bangmah cih nading omlo in asi a mang zongin kikan theilo cih ding hi. Tua ahih man in hong tungkhinsa te, lakah a ki hopih theilo leh a kikan zolo zong tampi om ahih man in kua mah tuabang puaisa te um in nong pai nawnloh nading un Zo Sunni tanute in kong zasak uhhi. I sanggam te gen ciatni. Tua banga hong pai sawm veve te’n zong na sanggam te uh zasak masa hamtang le uh cin hoih hi. Malaysia a omte i phone numbat kem hamtang un, hun hoih na ngah pepeuh uh teh hopih, theisak in na omna mun uh genden un.
A kisam te ahih leh, a puaisa te tawh kiho in kithu min khit teh a kisam hi a, hong tun uhteh va kidawn in innlum lolum ah kiciah pih pah aa, buaina omlo hi. I zawn i gau kawmkal ah hih bangin na a kisep ciangin a zah nih bang kisum aa, i neih loh kibehlap in buaina le haksatna tampi kituak thei hi. Tua hia, hih bang nasep ding a ngaihsun leh a semsem Zomite sungah i omkhak leh hih a dongtuak te, nuntak na haksat dan leh mikhut sungah silah nungta a nasem in, innlam sum lah khak zolo an nangawn gilvah a neilo in nikhat nai 18 sung Malaysia nisa nuai ah nasem te ngaihsun in hi bangin hong gamta nawn kei le uh cin cih i ki zasak hi. Sum kisamlo kua mah omlo aa, a hi zongin i zondan te in mite adingin sihna manna leh lauhhuaina a tun lohding kisam hi. Thumaan in deidan neilo aa, kumpite nangawn a hun a tun teh a thangsiah vuah awk kik veve uhhi. Tua hia, kidawm tak leh i Christian hina te nuntak pih in a kilawm le a kituak aa, sum zontheih ding zong kisam hi. Hun hong kikhelkhel dinga, nikhat niteh “Nang na hih kei leh napa hiding hi”, peuh hong kicih hun om thei ding hi.
Deihsakna lianpi tawh,
Zo Sunni Media Malaysia
Zomi Cup Meeting sapna
Hongtungding Monday (09 December 2013) 1pm hunin ZAM Hall ah Zomi Cup 2014 vai Meeting ki neikik dinghi. Hih Meeting hunsung in Zomi Cup suihhunding mipi lunggulhna tawh khensatna kineiding ahih manin alunglut khua makai te leh Football makai te nong paikimciat nading un kongsam uhhi.
ZEC - Talalla & Maharajalela pan zaksakna
"Pasian in ZEC-Talalla & Maharajalela sang thupha ong pia-in laisim kum 2013 nuamtak ong zawhpih ahih manin Pasian tungah lungdam i ko hi. Tua bek tham lo-in cihtakna leh deihsakna tak tawh Zomi naupangte lai ong hilhsakin ong pattahsak sia nu/sia pa te khempeuh i biak Pasian in thupha ong piaksak ta hen. Maikum lai sim kum 2014 a dingin sang apna (registration) a nuai a bangin kinei kik ding a, sanglutna mi khat ciang RM30 hi ding hi. Boader ah naupang 55 ciang bek kisang zoding ahih manin boarder om a sangkah ding peuhmah in a hunlap a sang nong ki-ap na dingun ong thei sak ung."
Sang ap hunding ani : 17 to 20 December 2013
Ahun : 10am to 12pm, 1pm to 3pm
Amun : ZEC-Maharajalela (ZAM zumnuai)
Kizop nang: : Sia Tuang - 016-913 7121
: Sia Hau Khai - 012-367 4665
ZSM kumcin khawmpi leh kiteelding vai sapna
Topa hong kalsuanpihna tawh 2013 kumbei dinghi ta a, tukum sungin Zogam pan Malaysia ah galtai ih sanggam te mihing (27) in Malaysia gamsung panin hanmual hong liamsan uh ahih manun amaute phawkna leh ih dahna ih pulak hi. Migam mi lei ah hong nusia ih sanggam te'n hanmual atan zawh na'ngin 2013 kum GENVAI (ZSM) kipawlna ah RM10 tawh ih kihel manin amau te in hanmual atangzo hi uh a, ei mimal leh ih innkuanpih te adingin thupha bawl leh nahoih sem ih hihi.
Tua hi a 27/12/2013 Friday ni 11am hun in ZAM Hall ah ZSM kumcin khawmpi leh 2014 kum ZSM palai kiteelna neih dingin thukhensatna kinei a, tua ni mahin 2014 kum ZSM kipawlna laibu zong kihawm khia pah ding hi. Pawlpi tuamtuam pan makai Upa te leh Pawlpi kemsia te, Khua kipawlna tek panin makai te leh Zomi a it mipi khempeuh zong nong kihel theih hamtang nangun zahtak na lianpi tawh ZSM kipawlna pan' tangko in kongsam uhhi.
ZSM laibu ngetkikna
2013 kum hongbeiding hita ahih manin ZSM laibu akemlai Pawlpi makai, Khua makai te’n December 10 ma hamtang in acianlai na laibu kepte ZAM zumah nongpuak hamtang nading un kong zasak uhhi.
ZSM kumcin khawmpi leh kiteelna ah hongkihel hamtang unmaw. Lungdam!
UN minsanna vai thuthak
ZAM Card tawi Zomi te UN minsanna zopding vaipen ahun hongnai mahmahta hi. Nungin akipiakna mun ahi FGA biakinn pen ki ngahzo nawnlo cih UN Officer te’n hongzasak uh a, ZAM Palai te’n amunding azonsan laitak ahihi. Thuphamawh mahmah aomkei buangleh Christmas pawima in ZAM Card tawi Zomi te minsanna hongki zopsakkik theiding in ki lamen hi. Tua ahih manin nidang in Thupuak ah tamveipi ih tangkodet ahi na tangthu dingte aki gingsa in na omdetding uh thupi mahmah dinghi. Aniding aki cianzaw in aki theihphet in Internet tungtawn ahi zongin, Thupuak tungtawn ahi zongin hongki zasakpah dinghi. Hihvai ah bangmah nawngkaina aomloh nading in thungetna ah phawkciat ni. (Kipawlna akician mahmah khatah Card bawlkhin peuhleng adang bawlthuahthuah kullo hi. Akician hipeuhleh hongvanzo veveding hi.)
BAR Council Meeting
Malaysia gamsung aom Local NGO kipawlna pawlkhat leh gamdang mite kipawlna pan makai te ki muhkhopna pen 04 December ni in BAR Council zumpi mahah ki neithei hi. Hih Meeting ah Kawlgam aitang in ZAM panin Palai khatleh ZAM Advisor khat ki helthei hi.
UNHCR Education Year-end Party
UNHCR-EDU te makaihna tawh Malaysia gamsung ah pilsinna sanginn 100 valbang akinei ahihi. Tua sangteng khempeuh ii kumcin Year-end Party pen 05 December ni in Chinese Assembly Hall ah UNHCR-EDU Department te’n hongbawlpih uh a, Zomi minpua ZEC sanginn 10 pan sia/siama 30 val bang kihel theihi. UN sangkhempeuh ii Coordinator asem ahi Sia Francis Khampi zong UN Officer te’n pahtawina limci mahmahkhat mipimai ah pia uh a, ki lungdampih mahmah hi.
Hih munteng ah nisim kimat omden hi
Tusungteng nisim in palik suansilhlo te’n mi manden uhhi. Adiakdiak in mi aki limmat diakna munte pen KL Kotaraya, KL Mydin, KL Parsa Seni, Pudu LRT Station, Pudu Plaza, Maluri LRT Station, TBS Bus Stand te ah nisim in mi kiman den hi. UN Card nanei zongin hongki manthei veve ahih manin kidop mahmahding thupi hi. Palik te omtheih diakna munte zong ihtheihsa, ih zakzaksa ahih manin nawkkhak hetlohding thupi hi. ZAM Card tawite kimat kihen natuahleh: 016-254 4093 & 016-646 5375 te na hopihpah un!
Nasep ding mi kideih kin
1) Shah Alam Aluminium Setzung (Factory) ah nasemding ZAM Card tawi Zomi aom zahzah kideih hi. Nasep hun nai 12 sung hiding a, khasum RM1200 ki piading hi. Omna pia in, anbel ki vaklo hi. Sunday nisim Off Day ngahding hi.
2) KL Ansai (Restaurant) ahzong ZAM Card tawi Zomi pasal kideih hi. Omna pia, an piading uhhi. Kalkhat ni 1 Off Day ngahding hi. Khasum RM900, Nasep hun nikhat nai 11 sung. Kizop nading: Sia David Mungno: 017-333 4320
Lungdam Kohna
Zomi Catholic (ZCCM, St. Joseph Church, Sentul) pan tukal Thupuak bawlnading RM50 hong piakhia uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351
Baihlo Hi, Piangthei Hi
(Too Difficult But Possible)
Zogam pualam ah Zomi Siamsinte graduation nopci takin abawl masa pen hikha ding ihih manin, ZEC kipat cil pan tuni ciangciang thatang, sum le pai, hun khempeuh pia aa ma pang kha mimal khempeuh pahtawi zawhding aa kilawm, Zomi khangthakte aa ding nasemte ih hihlam tuni kiphawk thak ding deih masa hang.
Kum khat khit kum khat hanciamnate hong tangtung ahih manin, ZEC pen, Malaysia aa Education lam vaipuak nei Zum thupi khempeuh leh Media/Thusuah tuamtuamah kician takin mun ngahzo aa, Zomi a tawisang, Zomi a pulak khia ZEC hong suak hi. A hunhun aa Lai hilhlo pi, Sang honglo pi, Kidemna tuamtuam dem lopi, galtai Sangte mai-ah pahtawina ngah lopi-in ih ngahkhiat gualzawhna hilo ahih manin, ZEC pan Sang naupangte gualzawhnate kong gen kholkei zaw ding aa, ih ngimna bulpi khat ahi Minam tawisan'na leh tuaciang dinmun tun'na ding bangdante kisam hiam cih enkhawm nuam hang.
Sang naupangte pahtawizawhna din'mun ciang tun'na dingin Siate pahtawi ziahziah ding zong phawkhuai aa, mailam ah a picing semsem ding ih lunggulhna-in, a beisa hun aa ih hanciam ziate etphatna vive tawh tha la ding aki hanthawn khol hipah hang.
Tua tawh kizui-in, Siate leh ZEC kipat lam thute gen ni-in, Malaysia ah Kipawlna bulphuh Sang tuamtuamte tangthu paizia theihna dingin zong aki hawmsawn hihang. ZAM in a masa pen Sang naupangte ZAM zumsung mahah Lai hilh masak 2007 kumbei lam hi-in, tua hun pan limlimin, kuama phuk ngamloh, kuama ngaihsut khakloh, kuamah'n a teel masak ngamloh ki piakkhiatna tawh Siate, Sianute nisim in ma kipang hi. Ki piakkhiatna cih teh, ZAM pan ahi zong, Sang pan ahi zongin cialna-guaihna piakding ki vaihawm zawh genloh, a Sang vai vaihawm pen Sia teng mah a hihkul mawk hi. Lai hilhkawm leh Sang inn sap, tui manh, mei manh cihte aa kipan Siate mah ki lungzing den hi. Haksatna, lungkiat dekdek hun tamvei mahmah tawh ki pua teta-in, 2008, 2009 khawng ciang, Zomi naupang veng tuamtuamah ih tam semsemna zui-in, ZEC-Cheras te, ZEC-Klang te aa kipan ZEC-Sg Long, ZEC-Kajang cih bangin, kei ki piakhia ning a ci ngam teng mah ii thuak ngapna, gim ngapna tawh ki picing semsem hi. A lamdang mahmah thu khatah, a vei, a lainat taktak teng mah ii nasepna ahih manin, ih Zomi naupangte pattahna-ah namdangte' nuai ki-om hetlo pah hi!
Lamkhat leuleu pan, ki piakkhiatna ahih manin a semsuak zolo zong pawlkhat om hi. Innlam pan Lai tansang degree tuamtuam ngah ahi zong, Lai hilh experience hau mahmah a cite tata va zawn le'ng, kha khat bangzah kingah cih vive ahih manin, pil ingh, hilhthei ingh aci khempeuh ii sepzawhna ZEC hilo hi. Zomi sungah Education lam ahih kei leh laihilh thei ciangciang, zum nasep semthei cihdan kitawm maw, ci le'ng, hi deklo hi! A semthei, avei veve Zomi tam simsim mah ZEC ahilo Sangdang ahih kei leh Zum tuamtuam ahi thamanh/khasum ngahna munte-ah semzaw uhhi. Iplah huaithei veve ahih manun, gamthumna tungkhin tawh, Malaysia aa omlai tawh, ciamteh ning ki cici lo na pi inghin, a mi-in ka theihlai tam peuhmah aa, lamkhat pan ZEC tangthu laimai tawmbeek gelh khalo uh suak hi. Tuhun ciang, ZEC mah aa ka sep tantan ka hamphat zawklam ka phawk semsem hi.
2011 masiah ZEC hiciang ih tun'na ding nisim in puak hak pipi ih puak tantan, ih sep tantan lai aa, semthei, semsiam veve ZEC ah ni lang a'i zong, hunbit a'i zong hong sem hetlo, tuhun teh ZEC ah ma hong pangnuam a om peuhpeuh na welcome un, cih, kei muhna zong ong behlap pak ingh. Ahi zongin, naupangte makaih taktak aa, hunbit lai a hilhloh phamawh ding hi; Education cih Siamsin sakna nasep ah, athu vaan pak ding, ngaihsutna pia ding, activity khat vaihawm pih pakding ciang cihbang omtheilo hi. Tuadan ciang nasepte pen, kum (5) sung ka mapan' khakna zui-in, haksa peuhmahlo leh a tawntung veina hi hetlo in mu ingh! Tua hunlai khawng aa om, tuni hiah a kihel lai ZEC Sia pen tam nawn samlo ahih hang, a kicingzaw bangin hong genthei lua ding uhhi. ZEC leh Zomi na vei leh, na dong hamtang in. Maikal ah zoplaiding >>> Tg. Kham
Address:
155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email: zomiassociationmls@gmail.com
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
Malaysia ah Zomi te kizuak
Theih huai thupawlkhat hong hawmsawn nuam ing. Tusungteng Kalaymyo pan in sum kisamlo hi, ci’n kihona leh kitheihsakna omkhol lopi in a honhon in Malaysia hong kipuak ziahziah hi. Mitampi tak pen i theih a tam hangin i teltawm ahih man in vaipen a siang ziauziau ding kisa ahih manin a nungsangah hong kikaih awk gawpding lauhuai hi.
Kalaymyo leh Zogam khuaneu te ah tangval pawlkhat nasep neilo te, a vakna panun, puaisa te’n “No hikhawngah bang hih, Malay pai nuamlo maw?” phot zawzen, ol tuak simpian. “Painuam lua, sum neilo”, a dawnkikna hi. Tua ciangin, zuau luading kisa khuhkhia phot liangin, “Sum kisamlopi, Zangkong pai nading bek kisam, Malaysia tung le uh teh na khasum uhpan a lang hong kilaksak ding in kha nih kha thum sunga lohkik pah ding tua teh no na sep nop pepeuh uh sem thei ding hi uh teh”, ci uh ahih man in, nuntak hak sat tawh a lem theiding ahih leh ci’n hong kipai hi. Malaysia tungtatakta, “Meltheih nei maw, neilo. Na neih vua leh hopih unla RM2500 tawh tu mahmah in hong tat kei uh leh mundang ah hong zuak mangding. Kua mahtawh kicontact thei nawnloa hong koih ding. Hong kitat kei leh RM4500 na loh zawh mateng uh pek khat zong hong kipia lo ding hi”, a cih tak uh teh.
Meltheih neiteng in hopah in a kitan te kitan in a kitan zolo te, kiho thei nawnlo in a mang hiphot hi. RM4500 loh khin mah le uh kua mah contact theilo phone neilo ahih man un, a pai nading uh om tuanlo in tua bangin, silah nungta in a om tampi ommawk hi. Nasep pen mi ut loh penteng semsak in a tamzaw Cameron Highland ah lokhosak in cingngiat uh hi. Zingsang Motor pi tawh paipih in nitak teh khakik uh aa, inn sungah khumcip uhhi. A maulam pan hong hopih kei uh leh bangmah cih nading omlo in asi a mang zongin kikan theilo cih ding hi. Tua ahih man in hong tungkhinsa te, lakah a ki hopih theilo leh a kikan zolo zong tampi om ahih man in kua mah tuabang puaisa te um in nong pai nawnloh nading un Zo Sunni tanute in kong zasak uhhi. I sanggam te gen ciatni. Tua banga hong pai sawm veve te’n zong na sanggam te uh zasak masa hamtang le uh cin hoih hi. Malaysia a omte i phone numbat kem hamtang un, hun hoih na ngah pepeuh uh teh hopih, theisak in na omna mun uh genden un.
A kisam te ahih leh, a puaisa te tawh kiho in kithu min khit teh a kisam hi a, hong tun uhteh va kidawn in innlum lolum ah kiciah pih pah aa, buaina omlo hi. I zawn i gau kawmkal ah hih bangin na a kisep ciangin a zah nih bang kisum aa, i neih loh kibehlap in buaina le haksatna tampi kituak thei hi. Tua hia, hih bang nasep ding a ngaihsun leh a semsem Zomite sungah i omkhak leh hih a dongtuak te, nuntak na haksat dan leh mikhut sungah silah nungta a nasem in, innlam sum lah khak zolo an nangawn gilvah a neilo in nikhat nai 18 sung Malaysia nisa nuai ah nasem te ngaihsun in hi bangin hong gamta nawn kei le uh cin cih i ki zasak hi. Sum kisamlo kua mah omlo aa, a hi zongin i zondan te in mite adingin sihna manna leh lauhhuaina a tun lohding kisam hi. Thumaan in deidan neilo aa, kumpite nangawn a hun a tun teh a thangsiah vuah awk kik veve uhhi. Tua hia, kidawm tak leh i Christian hina te nuntak pih in a kilawm le a kituak aa, sum zontheih ding zong kisam hi. Hun hong kikhelkhel dinga, nikhat niteh “Nang na hih kei leh napa hiding hi”, peuh hong kicih hun om thei ding hi.
Deihsakna lianpi tawh,
Zo Sunni Media Malaysia
Zomi Cup Meeting sapna
Hongtungding Monday (09 December 2013) 1pm hunin ZAM Hall ah Zomi Cup 2014 vai Meeting ki neikik dinghi. Hih Meeting hunsung in Zomi Cup suihhunding mipi lunggulhna tawh khensatna kineiding ahih manin alunglut khua makai te leh Football makai te nong paikimciat nading un kongsam uhhi.
ZEC - Talalla & Maharajalela pan zaksakna
"Pasian in ZEC-Talalla & Maharajalela sang thupha ong pia-in laisim kum 2013 nuamtak ong zawhpih ahih manin Pasian tungah lungdam i ko hi. Tua bek tham lo-in cihtakna leh deihsakna tak tawh Zomi naupangte lai ong hilhsakin ong pattahsak sia nu/sia pa te khempeuh i biak Pasian in thupha ong piaksak ta hen. Maikum lai sim kum 2014 a dingin sang apna (registration) a nuai a bangin kinei kik ding a, sanglutna mi khat ciang RM30 hi ding hi. Boader ah naupang 55 ciang bek kisang zoding ahih manin boarder om a sangkah ding peuhmah in a hunlap a sang nong ki-ap na dingun ong thei sak ung."
Sang ap hunding ani : 17 to 20 December 2013
Ahun : 10am to 12pm, 1pm to 3pm
Amun : ZEC-Maharajalela (ZAM zumnuai)
Kizop nang: : Sia Tuang - 016-913 7121
: Sia Hau Khai - 012-367 4665
ZSM kumcin khawmpi leh kiteelding vai sapna
Topa hong kalsuanpihna tawh 2013 kumbei dinghi ta a, tukum sungin Zogam pan Malaysia ah galtai ih sanggam te mihing (27) in Malaysia gamsung panin hanmual hong liamsan uh ahih manun amaute phawkna leh ih dahna ih pulak hi. Migam mi lei ah hong nusia ih sanggam te'n hanmual atan zawh na'ngin 2013 kum GENVAI (ZSM) kipawlna ah RM10 tawh ih kihel manin amau te in hanmual atangzo hi uh a, ei mimal leh ih innkuanpih te adingin thupha bawl leh nahoih sem ih hihi.
Tua hi a 27/12/2013 Friday ni 11am hun in ZAM Hall ah ZSM kumcin khawmpi leh 2014 kum ZSM palai kiteelna neih dingin thukhensatna kinei a, tua ni mahin 2014 kum ZSM kipawlna laibu zong kihawm khia pah ding hi. Pawlpi tuamtuam pan makai Upa te leh Pawlpi kemsia te, Khua kipawlna tek panin makai te leh Zomi a it mipi khempeuh zong nong kihel theih hamtang nangun zahtak na lianpi tawh ZSM kipawlna pan' tangko in kongsam uhhi.
ZSM laibu ngetkikna
2013 kum hongbeiding hita ahih manin ZSM laibu akemlai Pawlpi makai, Khua makai te’n December 10 ma hamtang in acianlai na laibu kepte ZAM zumah nongpuak hamtang nading un kong zasak uhhi.
ZSM kumcin khawmpi leh kiteelna ah hongkihel hamtang unmaw. Lungdam!
UN minsanna vai thuthak
ZAM Card tawi Zomi te UN minsanna zopding vaipen ahun hongnai mahmahta hi. Nungin akipiakna mun ahi FGA biakinn pen ki ngahzo nawnlo cih UN Officer te’n hongzasak uh a, ZAM Palai te’n amunding azonsan laitak ahihi. Thuphamawh mahmah aomkei buangleh Christmas pawima in ZAM Card tawi Zomi te minsanna hongki zopsakkik theiding in ki lamen hi. Tua ahih manin nidang in Thupuak ah tamveipi ih tangkodet ahi na tangthu dingte aki gingsa in na omdetding uh thupi mahmah dinghi. Aniding aki cianzaw in aki theihphet in Internet tungtawn ahi zongin, Thupuak tungtawn ahi zongin hongki zasakpah dinghi. Hihvai ah bangmah nawngkaina aomloh nading in thungetna ah phawkciat ni. (Kipawlna akician mahmah khatah Card bawlkhin peuhleng adang bawlthuahthuah kullo hi. Akician hipeuhleh hongvanzo veveding hi.)
BAR Council MeetingMalaysia gamsung aom Local NGO kipawlna pawlkhat leh gamdang mite kipawlna pan makai te ki muhkhopna pen 04 December ni in BAR Council zumpi mahah ki neithei hi. Hih Meeting ah Kawlgam aitang in ZAM panin Palai khatleh ZAM Advisor khat ki helthei hi.
UNHCR Education Year-end Party
UNHCR-EDU te makaihna tawh Malaysia gamsung ah pilsinna sanginn 100 valbang akinei ahihi. Tua sangteng khempeuh ii kumcin Year-end Party pen 05 December ni in Chinese Assembly Hall ah UNHCR-EDU Department te’n hongbawlpih uh a, Zomi minpua ZEC sanginn 10 pan sia/siama 30 val bang kihel theihi. UN sangkhempeuh ii Coordinator asem ahi Sia Francis Khampi zong UN Officer te’n pahtawina limci mahmahkhat mipimai ah pia uh a, ki lungdampih mahmah hi.
Hih munteng ah nisim kimat omden hi
Tusungteng nisim in palik suansilhlo te’n mi manden uhhi. Adiakdiak in mi aki limmat diakna munte pen KL Kotaraya, KL Mydin, KL Parsa Seni, Pudu LRT Station, Pudu Plaza, Maluri LRT Station, TBS Bus Stand te ah nisim in mi kiman den hi. UN Card nanei zongin hongki manthei veve ahih manin kidop mahmahding thupi hi. Palik te omtheih diakna munte zong ihtheihsa, ih zakzaksa ahih manin nawkkhak hetlohding thupi hi. ZAM Card tawite kimat kihen natuahleh: 016-254 4093 & 016-646 5375 te na hopihpah un!
Nasep ding mi kideih kin
1) Shah Alam Aluminium Setzung (Factory) ah nasemding ZAM Card tawi Zomi aom zahzah kideih hi. Nasep hun nai 12 sung hiding a, khasum RM1200 ki piading hi. Omna pia in, anbel ki vaklo hi. Sunday nisim Off Day ngahding hi.
2) KL Ansai (Restaurant) ahzong ZAM Card tawi Zomi pasal kideih hi. Omna pia, an piading uhhi. Kalkhat ni 1 Off Day ngahding hi. Khasum RM900, Nasep hun nikhat nai 11 sung. Kizop nading: Sia David Mungno: 017-333 4320
Lungdam Kohna
Zomi Catholic (ZCCM, St. Joseph Church, Sentul) pan tukal Thupuak bawlnading RM50 hong piakhia uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351
Baihlo Hi, Piangthei Hi
(Too Difficult But Possible)
Zogam pualam ah Zomi Siamsinte graduation nopci takin abawl masa pen hikha ding ihih manin, ZEC kipat cil pan tuni ciangciang thatang, sum le pai, hun khempeuh pia aa ma pang kha mimal khempeuh pahtawi zawhding aa kilawm, Zomi khangthakte aa ding nasemte ih hihlam tuni kiphawk thak ding deih masa hang.
Kum khat khit kum khat hanciamnate hong tangtung ahih manin, ZEC pen, Malaysia aa Education lam vaipuak nei Zum thupi khempeuh leh Media/Thusuah tuamtuamah kician takin mun ngahzo aa, Zomi a tawisang, Zomi a pulak khia ZEC hong suak hi. A hunhun aa Lai hilhlo pi, Sang honglo pi, Kidemna tuamtuam dem lopi, galtai Sangte mai-ah pahtawina ngah lopi-in ih ngahkhiat gualzawhna hilo ahih manin, ZEC pan Sang naupangte gualzawhnate kong gen kholkei zaw ding aa, ih ngimna bulpi khat ahi Minam tawisan'na leh tuaciang dinmun tun'na ding bangdante kisam hiam cih enkhawm nuam hang.
Sang naupangte pahtawizawhna din'mun ciang tun'na dingin Siate pahtawi ziahziah ding zong phawkhuai aa, mailam ah a picing semsem ding ih lunggulhna-in, a beisa hun aa ih hanciam ziate etphatna vive tawh tha la ding aki hanthawn khol hipah hang.
Tua tawh kizui-in, Siate leh ZEC kipat lam thute gen ni-in, Malaysia ah Kipawlna bulphuh Sang tuamtuamte tangthu paizia theihna dingin zong aki hawmsawn hihang. ZAM in a masa pen Sang naupangte ZAM zumsung mahah Lai hilh masak 2007 kumbei lam hi-in, tua hun pan limlimin, kuama phuk ngamloh, kuama ngaihsut khakloh, kuamah'n a teel masak ngamloh ki piakkhiatna tawh Siate, Sianute nisim in ma kipang hi. Ki piakkhiatna cih teh, ZAM pan ahi zong, Sang pan ahi zongin cialna-guaihna piakding ki vaihawm zawh genloh, a Sang vai vaihawm pen Sia teng mah a hihkul mawk hi. Lai hilhkawm leh Sang inn sap, tui manh, mei manh cihte aa kipan Siate mah ki lungzing den hi. Haksatna, lungkiat dekdek hun tamvei mahmah tawh ki pua teta-in, 2008, 2009 khawng ciang, Zomi naupang veng tuamtuamah ih tam semsemna zui-in, ZEC-Cheras te, ZEC-Klang te aa kipan ZEC-Sg Long, ZEC-Kajang cih bangin, kei ki piakhia ning a ci ngam teng mah ii thuak ngapna, gim ngapna tawh ki picing semsem hi. A lamdang mahmah thu khatah, a vei, a lainat taktak teng mah ii nasepna ahih manin, ih Zomi naupangte pattahna-ah namdangte' nuai ki-om hetlo pah hi!
Lamkhat leuleu pan, ki piakkhiatna ahih manin a semsuak zolo zong pawlkhat om hi. Innlam pan Lai tansang degree tuamtuam ngah ahi zong, Lai hilh experience hau mahmah a cite tata va zawn le'ng, kha khat bangzah kingah cih vive ahih manin, pil ingh, hilhthei ingh aci khempeuh ii sepzawhna ZEC hilo hi. Zomi sungah Education lam ahih kei leh laihilh thei ciangciang, zum nasep semthei cihdan kitawm maw, ci le'ng, hi deklo hi! A semthei, avei veve Zomi tam simsim mah ZEC ahilo Sangdang ahih kei leh Zum tuamtuam ahi thamanh/khasum ngahna munte-ah semzaw uhhi. Iplah huaithei veve ahih manun, gamthumna tungkhin tawh, Malaysia aa omlai tawh, ciamteh ning ki cici lo na pi inghin, a mi-in ka theihlai tam peuhmah aa, lamkhat pan ZEC tangthu laimai tawmbeek gelh khalo uh suak hi. Tuhun ciang, ZEC mah aa ka sep tantan ka hamphat zawklam ka phawk semsem hi.
2011 masiah ZEC hiciang ih tun'na ding nisim in puak hak pipi ih puak tantan, ih sep tantan lai aa, semthei, semsiam veve ZEC ah ni lang a'i zong, hunbit a'i zong hong sem hetlo, tuhun teh ZEC ah ma hong pangnuam a om peuhpeuh na welcome un, cih, kei muhna zong ong behlap pak ingh. Ahi zongin, naupangte makaih taktak aa, hunbit lai a hilhloh phamawh ding hi; Education cih Siamsin sakna nasep ah, athu vaan pak ding, ngaihsutna pia ding, activity khat vaihawm pih pakding ciang cihbang omtheilo hi. Tuadan ciang nasepte pen, kum (5) sung ka mapan' khakna zui-in, haksa peuhmahlo leh a tawntung veina hi hetlo in mu ingh! Tua hunlai khawng aa om, tuni hiah a kihel lai ZEC Sia pen tam nawn samlo ahih hang, a kicingzaw bangin hong genthei lua ding uhhi. ZEC leh Zomi na vei leh, na dong hamtang in. Maikal ah zoplaiding >>> Tg. Kham
Address:
155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email: zomiassociationmls@gmail.com
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
0 Tongkum :
Post a Comment