ZAM Thupuak::22 December 2013

UN minsanna vai zaksakna
UN minsanna vaitawh kisai in amunding aki ciatloh banah UN Officer te’ Pinic paiding leh Christmas, New Year cih Public Holiday tuamtuamtawh hongki zomtoto ahih manin tukumpen aniding alemthei nawnlo hongsuak a, kumzong abeiding hong hiziau hi. Tua hi a, tukumsung aki zoptheih lohhang in maikumsung ah ki zomto kikding cih UN Officer te’n hong zasak uhhi.

Zomi Cup lutman ki piatheita
Zomi Cup 2014 aki helding Team 40 val lakah lutman leh Deposit piasa teng:

1. Anlangh
2. Teklui
3. Voklaak
4. Mualbem
5. Singunau
6. Thalmual
7. Sezang

Apia nailo te’n 31 December 2013 ni ngak sese lo in lutman, Deposit, min leh ZAM Card Number te hong ap mengmeng le uhcin cih kong zasak uhhi. Dotnop aomleh:
Hau Suan Khai : 012 367 4665
Mangpu : 019 510 6413
Kam Mung : 016 995 6231

Mopawi Sapna
Lunmual khua, Tedim Leilum veng ateeng Pa Thuam Za Cin leh Nu Khai Khan Dim te tapa Tg. Kep Lian (ZAM Palai) leh new Haimual khua ateeng Pa Thang Khaw Khai leh Nu Gin Lam Vung te tanu upen Lia Niangh Lam Sian (Lamnu) te pumkhat suah siangtho kiteenna ah nong uapkim nading un zahtakna leh Zeisu mintawh kongsam uhhi.
Ani : 24 December 2013
Ahun : 1:00pm - 3:00pm
Amun : Sunway Emmanueal Church
No. 17-1, Jalan PJS 8/10
Dataran Mentari Bandar Sunway

ZAM zum ni 2 ki khakding

• ZAM Palai khat ahi Sia Kep Lian leh Lia Lamnu te’n 24 December 2013 ni siangtho kiteenna neiding uhhi. ZAM Palai tengin Sia Kep Lian mopawi ki uapnuam ahih manin tuani ZAM zum ki khakding hi.
• Ei Zomi te ihvekpi phial in Christian vive ihhih mahbang in Lungdam Pawi Christmas pen nithupi mahmahkhat ahihi. Tua ahih manin Christmas Pawi ni 25 December 2013 ni pen ZAM zum ki khakding hi.

ZSM zum ah nasem ding Zomi nungak khat kideih
ZSM zum a nasem dingin Zomi nungak khat kideih a nasep siau nuam te in ZSM/ZAM zumah interview kipai thei hi. Contact03-92261 926,-9956 231

ZSM palai ding min sazian ki kaikhawm
ZSM kumcin khawmpi leh kiteel ding hun hong naita ahih manin maikum ZSM palai dingin Khua kipawl na leh Pawlpi tuamtuam panin Zomi adingin muan huai nasak te min sazian kipuak thei hi. Contact: Dr. Pau017-3291 810, Pa Kam-3385 142

UN laidal pi tawi te kiman thei veve
UN ngah khin ngawn ing ci in UN laidal pi alen lai te pen Card hi nailo ahih manin kiman thei veve a hih manin laidal pi tawi te kidop huai mahmah hi.

ZSM kumcin khawmpi leh kiteelding vai sapna
Topa hong kalsuanpihna tawh 2013 kumbei dinghi ta a, tukum sungin Zogam pan Malaysia ah galtai ih sanggam te mihing (27) in Malaysia gamsung panin hanmual hong liamsan uh ahih manun amaute phawkna leh ih dahna ih pulak hi. Migam mi lei ah hong nusia ih sanggam te'n hanmual atan zawh na'ngin 2013 kum GENVAI (ZSM) kipawlna ah RM10 tawh ih kihel manin amau te in hanmual atangzo hi uh a, ei mimal leh ih innkuanpih te adingin thupha bawl leh nahoih sem ih hihi.
Tua hi a 27/12/2013 Friday ni 11am hun in ZAM Hall ah ZSM kumcin khawmpi leh 2014 kum ZSM palai kiteelna neih dingin thukhensatna kinei hi.

Lungdam Kohna

• Zomi Catholic (ZCCM, St. Joseph Church, Sentul) pan tukal Thupuak bawlnading RM50 hong piakhia leuleu uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351
• Pa Gin Go Mang (Thalmual) te innkuan in ZAM Thupuak bawlnading in RM100 hong piakhia uhhi.
• ZAM buaipihna tawh thongpan hong suakta Thang Do Khai leh Langh Deih Suan te’n lungdam kohna in ZAM Thupuak bawlnading RM50 hong piakhia uhhi.
• Thang Khen Zam in UN ngah lungdam kohna in RM50 hong piakhia hi.
• Khen Tan Mang in UN ngah lungdam kohna in RM50 hong piakhia hi.

ZAM Palai sungpan kua tawh kizomding
Kimat kihen natuahkhakleh:
Sia Tuangpu : 016-254 4093
Sia Thaa Mung : 016-646 5375
Sia Kam Mung : 016-995 6231
Zato vai kisapna aomleh:
Sia Khoi Tuang : 010-286 6189
Sia Kam Sang : 016-918 9692
Sia Kep Lian : 014-369 4897
Nasep leh Bank Card vai:
Sia Mangpu : 019-510 6413
ZAM Card vai:
Sia David Mungno : 017-333 4320
ZEC Sangvai:
Sia Francis Lamthang : 014-225 9458

New Zealand pan Thongkia te panpihna
New Zealand gam ateeng JK Pau (Dai Za Pau Khupson) in ZAM Palai te’n Malaysia gamsung aom thongkia te aveh ciang apiaksak dingin Christmas Letsong RM1000 hongkhak hi. JK Pau pen Langzang khuami Pyidawtha ateeng hi a, amahzong Malaysia gamsung ah aomsung in nihvei bang thongkia ngei ahih manin, tulaitak Malaysia thongsung ah atuahsia te panpihna in hongpiakhia ahihi. Hih sumpen ZAM Palai Sia Thaa Mung in thongah aveh khak masasa te tungah asum beidong ki piading hi.

ZAM Palai te buaipihdiak pawlkhat

• Suan Sian Muang (Zozang) pen 17 December ni in damlohna vai tawh Ampang Hospital ah ki buaipih hi.
• Cing Nuam Lun (Ngalbual) pen December 17 ni mahin damlohna vai tawh General Hospital KL ah ki buaipih hi.
• Pa Nang Za Khup (Phaiza) pen 18 December ni in UKM Hospital ah damlohna vai tawh ki buaipih hi.
• Hang Muan Lian & Dim Do San (Sezang) tepen December 20 ni in Langkap Camp ah ki buaipih hi.
• UN Card tawi Nang Lam Mang pen Dangwangi Lockup pan ki buaipih a, hong suakta theihi.
• Khutbulh ngahsa ACR Card tawi Bawi Mun Thang zong Dangwangi Lockup pan ZAM Palai te’n buaipih a, hong suakta hi.
• Nungkalsung ZAM Palai te’n kimat kihen vai tawh aki buaipih mi 35 bang pha hi.

Kimat kihen vai tawh kisai
Tulaitak nisim phial in palik te leh Uniform asilhlo CID te’n mi limmat mahmah uhhi. Adiakdiak in mi aki limmat diakna munte:

• Pudu LRT Station, Pudu Plaza, Maluri LRT Station
• KL Kotaraya, KL Mydin, KL Parsa Seni kimteng
• TBS Bus Stand leh Sunway Mentari Court
• Sunway pan aki mante

Nungsungteng Sunway Mantari Court leh Sunway vengteng ah Operasi omkawikawi a, akiman zong tammahmah hi. Sunway pan akiman tepen Sunway vengah akiman ahihhang:

• PJ Petaling Balai Polis
• Sungai Way Balai Polis
• Kelana Jaya Balai Polis
• SS2 Seapak Balai Polis
• SS2 Damansara Balai Polis
• Kota Damansara gei a Multiada Balai Polis

cih muntuamtuam ah puaksawn uh ahih manin kankhiat hamsa mahmah hi.
ZAM Card tawite kimat kihen natuah uh ciangin Zopau sitset tawh hih ZAM Phone Number te na hopih un!
016-254 4093, 016-646 5375, 016-995 6231

Palik te zahtakbawl in
Tulaitak UN Card tawisa palik te’n amat uh tammahmah hi. Tua ahih manin UN Card na neikhinphial zongin palik tetawh naki tuahkhak uhciang IC cih hongnget leh zahtak bawl inla, na UN Card lak in. Pawlkhat UN Card tawisa te’n na zahtakbawl khalo uh ahih manin palik te hehsak uh a, amatsuak tammahmah ta hi.
Tulaitak UN Card tawi a akiman, ZAM Palai te buaipih anuai ateng ahihi.

• Thang Kho En (Malsuangzang)
• Tual Lian Piang
• Pau Khan Lal
• Pum Khai (Singunau)
• Cin Khan Mang (Singunau)
• Zam Thang Kai (Vangteh)
• Hang Pui @ Khai Khai (Khuasak)

Calendar ki ngahta
Zolia & Zotaang te pahtawina in akibawl ahi 2014 Calendar ki ngah taktakta hi. Nangkiang ah hongki zuakkhak leh Zolia & Zotaang te pahtawina in naleisak hamtang unmaw. Calendar ngahtheih nading munteng:
Michael Tuang (Pandan Jaya), Sia Kam Mung (CMF Setapak), Francis Lamthang (ZCCM, St. Joseph Church), Sia Mangpu (SDA, Chowkit), Sia Tha Mung (MZCC, Cheras), Sia Kep Lian (Sunway), Lun Sian Cing (Sunway), Muan Tuang (IZCC), Lianpi (Adonai, Cheras), Taungzalat, Aungnandaw, Mamang (Canaan Church), Ciin Suan Niang (Full Gospel), Sia Khoi Tuang (Kajang ZCF), Nuam Cing (EBC), Sia Kham Tuang (Kota Damasara), Pa Pum Khual (Cheras), Siama Ngaih Hau (MMC), Lalpu (Zotaang 2013), Muanpi (Sunway)

Zomi Numei kipawlna (ZWO) pan pulakna

• 09 December 2013 ni in ZWO makai te’n ZAM zum ah Meeting kinei hi. ZWO min tawh ZAM zumsung ah Zongeina puantuamtuam kimantak in kizuak a, tuapan sum ngahsunsun amet aomleh Zomi cina zatolum a gimsia diakdiak te vehding ki khentat hi.
• Nu Dim Suan Cing (Mualpi) pen Chowkit leh UKM ah zato sawtpi lum kawikawi ahih manin ZWO in panpihna in vehna RM50 ki piathei hi.
• Nenem (Suanghoih) zong Ampang zato sunga ICU ah ni 5 sung lum a, amah zong ZWO in RM50 tawh kiveh hi.
• Syamah Ngaih Hau

Contact ki ngahlo
RSC leh DHS pan in Contact ki ngahzolo pawlkhat om leuleu hi. Hih anuai ateng lakah na UN Number aki helkhakleh ZAM zumah hong zasakpah in.
354-04C02019
354-08C05158
354-08C05336
354-09C04612
354-09C06096
354-09C06885
354-10C02100
354-10C05369
354-10C08491
354-10C09617
354-10C09648
354-10C09740
354-10C09798
354-10C10091
354-10C10221
354-10C10287
354-10C10289
354-10C10521
354-10C10522
354-10C12563
791-09C00831
791-09C02239
791-09C04323
791-09C04443
791-09C04827
791-09C05775
791-09C12980
791-10C01487
791-10C01596
791-10C01633
791-10C01709
791-10C02242
791-10C03070
791-10C03080
791-10C03257
791-10C03271
791-10C03287
791-10C03290
791-10C03308
791-10C03358
791-10C03618
791-10C03633
791-10C03686
791-10C03697
791-10C03699
791-10C03704
791-10C03706
791-10C03709
791-10C03744
791-10C03761
791-10C03800
791-10C03864
791-10C03871
791-10C03872
791-10C04516
791-10C05630
791-10C05750
791-10C06033
791-10C06034
791-10C06040
791-10C06230
791-10C06300
791-10C06358
791-10C06664
791-10C07748
791-10C08099
791-10C08408
791-10C08479

Address:
155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
PDF tawh nasim nopleh..

Thupuak Volume 8, Issue 29 (22 December 2013)