Gamdang!!!!!!Gamdang!!!!!!

Gamdang!!!!!!Gamdang!!!!!!
+++++++++++++++++++

Nupi khatin tapa khat nei aa it mahmah ahih manin na zong semsak lo-in amah bek sumzonsa tawh aduh peuhpeuh leisak,nesak hi.

A tapa hong tangvaal ta-in alawm Gamdang pai te'n sum akhak ziahziah uh thei aa amah zong anu lah kumtamta ahih manin alungsim ah Gamdang pai-in kanu sumkhak ding(vaak ding)cih bekbek hong omta hi.

A Nu'n it/ngai mahmah ahih manin phallo aa ahi zongin hong kithawi khia veve in Gamdang hongpai hi.
Gamdang atun ciangin nasep ngahpah in haksa taleh semin sum angah zahzah anu khak pahpah aa hopih pahpah ahih manin anu zong nuam mahmah hi.

Kum 3 bang hongsawt khit ciangin anu hopih in Nu aw hongciah nuamta ing,hong ngailua ta ing ci'n anu inzong Bawi aw kenzong hong ngailua ta ing hongciah inla nongtunciang Aksa alim mahmah in huanin nekhawm ni ci hi.

Inn atun ciangin anu tawh khitui naptui nulkawm sa-in kipom in lungdam mahmah uh hi.
Anu in Aksa ahuan laitak in Bawi aw kameh huan alim hiam hong ciam ve ci-in a Tapa sam aa,a Tapa zong vapai in meh vaciam dingin a Nu kiangah vapai aa a Nu in Sikkeu apiak ciangin a Tapa khut a etleh a Tapa khutmal te tawt(Buisum)gawp mu hi.

Anu zong lung himawh lua in Bawi aw nakhut bangci aa hihdan aa om ahiam?Ci aa adot leh a Tapa in Nu aw ka nasep napen Moh mekna hi'n nisim in Moh kimek ahih manin khutmuk teng nel(kawt)denin hihdan asuak hi ci hi.

Tua ciangin a Nu'n khitui taak keuhkeuh kawmin Bawi aw ken nang bangmah semlo aa kongvak hilhial hi aa nang hih bangin kei nongkhual man aa khutbuisum liang aa na vasem,nongkhualna kalung dam mahmah hi.
Ahi zongin nong itleh cikmah hunin Gamdang pai nawnken maw ci hi.

Zomi Nu leh Pa leh akua mahpeuh theihsak nopna tawh kalawm,Malaysia aa kaki thuahpih khat ii thu kong hopsawn hi.

Article ka-at a 2 veina hi.
Lungdam Pau Sing.

LUNG DAM